Sonn kristin vilja ikki lata nakað ella nakran koma ímillum tey og Jehova. Soleiðis hevur tú tað sikkurt eisini, og tað gleðist Jehova um. (Les 1. Krønikubók 28:9.) Nær kann tað vera ringt at vera trúfastur móti honum, og hvat kann hjálpa tær?

1. Hvussu kunnu onnur gera tað ringt hjá okkum at vera trúføst?

Nøkur fara at royna at fáa okkum at halda uppat at tæna Jehova. Hvør kann tað vera? Tað kunnu vera nøkur, sum ikki longur tæna Jehova, og sum lúgva um hansara samskipan, tí tey vilja hava okkum at missa trúnna. Tey verða rópt fráfallin. Summir prestar og trúarleiðarar spjaða eisini lygnir um okkum. Viss vit lurta eftir teimum, kann tað fáa okkum at venda sannleikanum bakið. Tað er eisini farligt hjá okkum at byrja at kjakast við tey, sum eru ímóti okkara trúgv, at lesa teirra bøkur ella bloggar, at fara inn á heimasíðurnar hjá teimum ella at hyggja eftir videoum, sum tey hava gjørt. Jesus ávaraði okkum um, at vit ikki skulu hava nakað við tey at gera, sum royna at fáa okkum at halda uppat at tæna Jehova. Hann segði: ’Leggið einki í teir! Blindir leiðvísarar eru teir fyri blindum; tá ið blindur leiðir blindan, falla teir báðir í veitina.’ – Matteus 15:14, Dahl/Viderø.

Hvat viss onkur, sum vit kenna, hevur gjørt av, at hann ikki longur vil tæna Jehova? Tað kann vera øgiliga tungt, viss ein, sum vit eru góð við, velur at gera tað. Kanska fer viðkomandi at tvinga okkum at velja ímillum hann og Jehova. Men vit hava sett okkum fyri, at vit vilja vera trúføst móti Jehova, líkamikið hvat hendir. (Matteus 10:37) Tí fylgja vit hansara boðum um ikki at vera saman við nøkrum, sum hava vent honum bakið. – Les 1. Korintbræv 5:11.

2. Hvussu kunnu okkara avgerðir vísa, um vit eru trúføst móti Jehova?

Av tí at vit elska Jehova, vilja vit ikki hava nakað við falskan átrúnað at gera. Vit vilja til dømis ikki hava eitt arbeiði, sum stuðlar følskum átrúnaði, og vit vilja ikki hoyra til ein felagsskap ella nakað annað, sum hevur við falskan átrúnað at gera. Jehova sigur: „Farið út frá [Bábylon hini stóru], fólk mítt.“ – Opinberingin 18:2, 4.

 LÆR MEIRA

3. Tú mást ikki lurta eftir teimum, sum spjaða lygnir

Hvat skulu vit gera, viss vit hoyra okkurt negativt um samskipanina hjá Jehova? Les Orðtøkini 14:15, og tosa um henda spurningin:

• Hví skulu vit ikki trúgva øllum, sum vit hoyra?

Les 2. Jóhannesarbræv 10, og tosa um hesar spurningarnar:

• Hvussu skulu vit fyrihalda okkum til tey, sum eru fráfallin?

• Hvussu kunnu fráfallin ávirka okkum, sjálvt um vit ikki hava beinleiðis samband við tey?

• Hvussu heldur tú, Jehova hevði havt tað, viss vit lurtaðu eftir teimum, sum tosa ringt um hann ella hansara samskipan?

4. Tú mást vera trúfastur móti Jehova, tá ið ein trúarfelagi syndar

Hvat eiga vit at gera, viss vit finna út av, at onkur í samkomuni hevur syndað álvarsliga? Ein meginregla í Guds lóg til fortíðar Ísrael kann hjálpa okkum. Les 3. Mósebók 5:1.

Hvat kann hetta ørindið læra okkum? Viss vit finna út av, at ein trúarfelagi hevur syndað álvarsliga, eiga vit at siga tað við teir elstu. Men áðrenn vit gera tað, hevði tað verið gott at givið honum ein kjans at fortelja tað fyri teimum elstu sjálvur. Viss hann ikki ger tað, mugu vit vísa, at vit eru trúføst móti Jehova við at fortelja tað fyri teimum elstu. Hvussu vísir henda mannagongdin, at vit elska og eru trúføst móti …

• Jehova?

• honum, sum hevur syndað?

• øðrum í samkomuni?

 5. Tú mást kvetta alt samband við Bábylon hina stóru

 HVAT HEVUR TÚ LÆRT?

Viss vit skulu vera trúføst móti Jehova, mugu vit ikki hava nakað við tey at gera, sum hava vent honum bakið. Vit mugu eisini kvetta alt samband við falskan átrúnað.

Greið frá

• Hví skulu vit hvørki hyggja eftir, lesa um ella lurta eftir nøkrum, sum kemur frá teimum fráfalnu?

• Hvussu skulu vit fyrihalda okkum til tey, sum ikki longur vilja tæna Jehova?

• Hvussu kunnu vit fylgja boðunum frá Jehova um at halda okkum frá følskum átrúnaði?