DÓPUR Verður einki annað kunngjørt, eru plássini framman fyri pallin tilskilað teimum, sum ætla sær at verða doypt. Tey skulu sita har, áðrenn dópsfyrilesturin byrjar leygardag fyrrapart. Tey skulu sjálv hava handklæði og sámilig svimjiklæði við.

FYRSTAHJÁLP Minst til, at her bara fæst neyðhjálp.

MIST OG FUNNIÐ Alt, sum verður funnið, skal latast deildini Mist og funnið. Hevur tú mist okkurt, kanst tú fara har og finna tað, sum tú eigur. Børn, ið eru vilst burtur frá foreldrunum, verða eisini leidd har. Men fyri at sleppa undan óneyðugari stúran fara vit at biðja tykkum ansa væl eftir børnunum og hava tey hjá tykkum.

MØTIVERTIR Møtivertirnir eru har fyri at hjálpa tær. Tí er gott at gera, sum teir siga, tá ið tú til dømis skalt parkera, finna eitt sitipláss, ella tá ið tú stendur í bíðirøð.

SITIPLÁSS Hugsa um onnur. Tað er í lagi at goyma pláss til tína nærmastu familju og til tey, sum tú koyrir við, býrt saman við ella lesur Bíbliuna við. Legg ikki nakað frá tær á stólar, sum tú ikki skalt brúka.

SJÁLVBOÐIN TÆNASTA Hevur tú hug at hjálpa til á stevnuni, kanst tú venda tær til deildina Kunning og sjálvboðin tænasta.

STUÐUL Nógvar útreiðslur eru í sambandi við at útvega stevnuhøli, ljóð- og videoútgerð og nógv annað, sum hjálpir okkum at fáa eina góða stevnu og tættari samband við Jehova. Sjálvbodni stuðulin, ið verður latin, verður nýttur til at rinda hesar útreiðslurnar og til at stuðla heimsumfatandi arbeiðinum. Stuðulsbússur eru settar upp ymsastaðni í stevnuhølunum. Tú kanst eisini lata stuðul á donate.pr418.com. Allur stuðul er virðismettur, og stýrandi ráðið takkar frammanundan fyri gávumilda stuðulin, sum verður latin til frama fyri áhugamál ríkisins.

Skúlin fyri kristnar boðarar Sunnudag seinnapart verður eitt møti fyri pionerar millum 23 og 65 ár, sum hugsa um at víðka sína tænastu og hava hug at søkja á Skúlan fyri kristnar boðarar. Tíð og stað verður kunngjørt.