Job var fátækur, hevði mist børnini og var álvarsliga sjúkur, men hann var framvegis trúfastur. Tí royndi Satan at brúka mótloysi til at fáa Job at sleppa sínum sakloysi. Tríggir „vinmenn“ komu til hansara. Fyrst gjørdu teir nógv burtur úr alment at vísa sína samkenslu. Síðani sótu teir hjá honum í tøgn í sjey dagar uttan at tala so mikið sum eitt troystandi orð. Røðurnar, sum teir hareftir bóru fram, vóru fullar av skuldsetingum og eirindaleysum ákærum.