Boðanarmøtini eru, líkasum øll onnur møti, ein gáva frá Jehova. Tey geva okkum møguleika fyri at fáa hvønn annan at brenna í kærleika og góðum verkum. (Heb 10:24, 25) Tey skulu vara fimm til sjey minuttir. Tann tíðin fevnir eisini um at skipa fólk í bólkar, tilluta øki og biðja eina bøn. (Um boðanarmøtið er beint aftan á eitt annað møti, eigur tað at vera enn styttri.) Hann, sum hevur boðanarmøtið, skal fyrireika okkurt, sum er viðkomandi fyri boðararnar tann dagin. Leygardagar, har nógv ikki hava verið í boðanini síðani síðsta vikuskifti, kann tað til dømis vera gott at tosa um, hvat mann kann siga. Hvat annað kann mann viðgera á einum boðanarmøti?

• Eitt uppskot til samrøðu úr einum arbeiðshefti

• Hvussu vit kunnu brúka eina hending í samfelagnum ella nakað úr tíðindunum til at byrja eina samrøðu

• Hvat vit kunnu gera, um tann vitjaði sigur okkurt, sum kundi steðgað samrøðuni

• Hvussu vit kunnu tosa við ein, sum antin er gudloysingur, trýr upp á menningarlæruna, tosar eitt annað mál ella hoyrir til ein átrúnað, sum ikki er so vanligur

• Hvussu vit kunnu brúka tær ymsu funksjónirnar á jw.org, í appini JW Library^® ella í Bíbliuni

• Hvussu vit kunnu brúka eitt amboð úr amboðskassanum

• Hvussu vit kunnu boða við at brúka telefonina ella skriva brøv, hvussu vit kunnu vera við í almennari boðan, ella hvussu vit fara á afturvitjanir og leiða bíbliulestrar

• Áminningar um at vit skulu vera varin, smidlig, fólkalig, positiv ella okkurt annað

• Eina venjing ella eitt video úr heftinum Lær teg at lesa upp og undirvísa

• Hvussu vit kunnu uppmuntra og hjálpa honum, vit fylgjast við

• Eitt bíbliuørindi, sum hevur við boðanina at gera, ella eina uppmuntrandi uppliving úr boðanini