VER VAKIN!
2022: Eitt ár við ræðuleikum – hvat sigur Bíblian?
Í 2022 hava vit hoyrt nógv um kríggj, búskaparkreppur og náttúruvanlukkur í tíðindunum. Tað er bara Bíblian, sum kann fortelja okkum, hvør tann veruliga orsøkin er til, at alt hetta hendir.
Hvat er alt tað ræðuliga, sum hendi í 2022, eitt tekin um?
Hendingarnar, sum fóru fram í 2022, vísa, at vit liva í eini tíð, sum Bíblian rópar teir ’síðstu dagarnar’. (2. Timoteusarbræv 3:1) Tað tíðarskeiðið byrjaði í 1914. Hvussu passar tað, sum Bíblian sigur um okkara tíð, við tað, sum er hent tað seinasta árið? Hugsa um hetta:
Kríggj – Matteus 24:6
„2022 var tað árið, tá ið kríggj aftur fór at herja í Evropa.“ a
Sí greinina „Russland ger innrás í Ukraina“.
Hungursneyð – Matteus 24:7
„2022: Eitt ár við stórari hungursneyð.“ b
Sí greinina „Kríggið í Ukraina fær matvørutrotið í heiminum at versna“.
Farsóttir – Lukas 21:11
„Polio fór at gera um seg aftur, apukoppar blivu ein trupulleiki, og COVID-19 herjar enn. Tað er blivið týðiligt, hvussu vandamiklar sovorðnar smittandi sjúkur eru, og hvussu sárbar vit menniskju eru.“ c
Sí greinina „6 milliónir fólk eru deyð av COVID-19“.
Ræðuligar hendingar – Lukas 21:11
„Hitabylgjur, turkur, skógareldar og vatnflóðir hava havt nógva oyðing við sær, kravt fleiri hundraðtúsund mannalív og gjørt, at milliónir hava mist hús og heim.“ d
Sí greinina „Óvanliga nógvur hiti um allan heimin“.
Uppreistur – Lukas 21:9
„Av tí at fólk hava ringt við at fáa endarnar at røkka saman, serliga vegna hækkandi inflatiónina, eru nógv blivin so ill, at tey hava skipað fyri stórum mótmælisgongum ímóti myndugleikunum í 2022.“ e
Sí greinina „Hækkandi inflatión kring heimin“.
Hvat fer at henda í 2023?
Tað kann eingin siga við vissu. Men vit vita, at Guds ríki, sum er ein stjórn í himli, skjótt fer at gera stórar broytingar á jørðini. (Dániel 2:44) Henda stjórnin fer at fjerna orsøkina til alt tað ræðuliga, sum hendir í heiminum, og syrgja fyri, at Guds vilji fer at henda á jørðini. – Matteus 6:9, 10.
Jesus bað okkum vera vakin. (Markus 13:37) Tí er tað gott hjá okkum øllum at hugsa um, hvussu tað, sum hendir í heiminum, passar við tað, sum Bíblian sigur um okkara tíð. Tú ert vælkomin at seta teg í samband við okkum, viss tú hevur hug at vita meira um, hvussu Bíblian kann hjálpa tær longu nú, og hvussu tú og familjan kunnu fáa vón um eina góða framtíð.
a AP News, „2022 Was Year the Horror of War Returned to Europe“, Jill Lawless, 8. desember 2022.
b World Food Programme, „A Global Food Crises“.
c JAMA Health Forum, „Living in an Age of Pandemics – From COVID-19 to Monkeypox, Polio, and Disease X“, Lawrence O. Gostin, JD, 22. september 2022.
d Earth.Org, „What’s Behind the Record-Breaking Extreme Weather Events of Summer 2022?“ Martina Igini, 24. oktober 2022.
e Carnegie Endowment for International Peace, „Economic Anger Dominated Global Protests in 2022“, Thomas Carothers og Benjamin Feldman, 8. desember 2022.
Tær dámar kanska eisini hetta
SVAR UPP Á BÍBILSKAR SPURNINGAR
Hvat skuldi eyðkenna teir ’síðstu dagarnar’, ella ’endans tíð’?
Í Bíbliuni er profeterað um, hvat skuldi henda á síðstu døgum, og hvussu fólk fóru at vera.
LÆRAN Í BÍBLIUNI
Hvat er Guds ríki?
Meðan Jesus gekk á jørðini, var Guds ríki tað, sum hann boðaði mest um. Fólk hava í øldir biðið um, at tað ríkið skuldi koma.
FLEIRI EVNI
Ein trygg framtíðarvón
Hví er tað, sum Bíblian lovar, nógv øðrvísi enn tað, sum menniskju lova og siga um framtíðina?
UM OKKUM
Bið um eina vitjan
Tú kanst fáa svar upp á bíbilskar spurningar ella fáa meira at vita um Jehova vitni.
