VER VAKIN!
Dómadagsklokkan flutt fram – hvat sigur Bíblian?
Tann 24. januar 2023 fluttu vísindafólk dómadagsklokkuna a longri fram ímóti midnátt. Midnátt ímyndar heimsins enda.
„Dómadagsklokkan ímyndar vandan fyri, at mannaættin beinir fyri sær sjálvari. Týsdagin fluttu vísindafólk klokkuna nærri midnátt enn nakrantíð áður. Orsøkin er millum annað kríggið í Ukraina, vandin fyri kjarnorkukríggi og veðurlagskreppan.“ – AFP International Text Wire.
„Týsdagin kunngjørdu vísindafólk, at dómadagsklokkan er flutt fram, soleiðis at hon nú stendur á 90 sekund í midnátt. So tætt hevur mannaættin ongantíð verið upp á harmageddon.“ – ABC News.
„Eitt panel av altjóða vísindafólkum hevur ávarað um, at vandin fyri, at menniskjuni fara at beina fyri sær sjálvum, er størri nú enn nakrantíð.“ – The Guardian.
Fer jørðin og alt lív á henni skjótt at blíva oyðilagt? Skulu vit óttast framtíðina? Hvat sigur Bíblian?
Hvat fer at henda í framtíðini?
Sambært Bíbliuni skal ’jørðin standa í allar ævir’, og menniskju skulu eisini búgva á henni ’í allar ævir’. (Prædikarin 1:4; Sálmur 37:29) Tað vil siga, at menniskju ikki fara at oyðileggja jørðina ella gera tað ómøguligt at liva á henni.
Men Bíblian nevnir faktiskt, at okkurt fær ein enda. Til dømis sigur hon, at „heimurin forgongur“. – 1. Jóhannesarbræv 2:17.
Tú fært meira at vita um, hvat tað merkir, at heimurin forgongur, í greinini „Er verdens ende nær? Hvad er Apokalypsen?“
Í greinini „Nær verður heimsins endi?“ kanst tú lesa meira um, hvat Bíblian sigur um tað, sum hendir í heiminum.
Hvat kann hjálpa okkum at síggja ljóst upp á framtíðina?
Bíblian kann hjálpa okkum at vera positiv, sjálvt um tað eru so nógvir trupulleikar í heiminum. Hvussu tá?
Bíblian gevur okkum góð ráð at brúka í gerandisdegnum. (2. Timoteusarbræv 3:16, 17) Í greinini „Sådan undgår du at lade dig styre af bekymringer“ sært tú, hvussu Bíblian kann hjálpa tær at hava eina positiva áskoðan, hóast trupulleikar.
Bíblian gevur okkum eina álítandi framtíðarvón. (Rómbrævið 15:4) Hon sigur okkum, hví heimurin sær út, sum hann ger beint nú, og hvat skjótt fer at henda. Tað kann hjálpa okkum at vera rólig og trygg, sjálvt um so nógv keðiligt hendir í heiminum.
Viss tú hevur hug at vita meira um Bíbliuna, ert tú vælkomin at royna okkara ókeypis bíbliuskeið.
a „Dómadagsklokkan er gjørd fyri at ávara almenningin um, hvussu tætt vit eru upp á at oyðileggja jørðina orsakað av tí vandamiklu tøknini, sum vit sjálvi hava skapt. Tað er ein áminning um tær hóttanir, sum vit mugu gera nakað við, um vit ætla okkum at blíva við at liva á jørðini.“ – Bulletin of the Atomic Scientists.
Tær dámar kanska eisini hetta
SVAR UPP Á BÍBILSKAR SPURNINGAR
Hvat er Harmageddonkríggið?
Orðið Harmageddon stendur bara eina ferð í Bíbliuni, men kríggið, sum tað vísir til, verður ofta nevnt.
LÆRAN Í BÍBLIUNI
Hví skapti Gud jørðina?
Jørðin er sera vøkur. Hon hevur júst røttu frástøðuna til sólina, hon hellir í júst rætta vinkul, og hon melur við júst røttu ferðini. Hví gjørdi Gud so nógv burturúr, tá ið hann skapti jørðina?
UM OKKUM
Bið um eina vitjan
Tú kanst fáa svar upp á bíbilskar spurningar ella fáa meira at vita um Jehova vitni.
