Eru Jehova vitni kristin?
Ja, tað eru vit, og niðanfyri sæst hví.
Vit royna at taka eftir Jesusi Kristi og at liva í samsvari við hansara læru. – 1 Pætur 2:21.
Vit trúgva, at Jesus er vegurin til frelsu, tí „ikki er nakað annað navn undir himli, givið millum menniskju, sum vit skulu verða frelst við“. – Ápostlasøgan 4:12.
Tá ið fólk gerast Jehova vitni, verða tey doypt í Jesu navni. – Matteus 28:18, 19.
Vit biðja til Gud í Jesu navni. – Jóhannes 15:16.
Vit trúgva, at Jesus er tann, ið hevur fingið myndugleika yvir øllum menniskjum. – 1 Korintbræv 11:3.
Kortini hava vit í nógvum førum ikki somu áskoðan sum aðrir trúarbólkar, ið rópa seg kristnar. Vit trúgva til dømis, at Bíblian lærir, at Jesus er sonur Guds og ikki partur av eini tríeind. (Matteus 16:16; Markus 12:29) Vit trúgva ikki, at sálin er ódeyðilig, at Gud pínir menniskju í allar ævir í einum helviti, ella at trúarleiðarar skulu hava heiti, ið seta teir hægri enn onnur. – Prædikarin 9:5; Ezekiel 18:4; Matteus 23:8-10.
Tær dámar kanska eisini hetta
MANGAN SPURT
Trúgva Jehova vitni á Jesus?
Hugsa um, hví tað er av alstórum týdningi hjá sonnum kristnum at trúgva á Jesus.
MANGAN SPURT
Hví brúka Jehova vitni ikki krossin í síni gudsdyrkan?
Hóast vit eru kristin, brúka vit ikki krossin í okkara gudsdyrkan. Hví ikki?
UM OKKUM
Hví kanna Bíbliuna?
Bíblian gevur milliónum av menniskjum kring allan heimin svar upp á lívsins stóru spurningar. Kundi tú hugsað tær at verið ein av teimum?
UM OKKUM
Bið um eina vitjan
Tú kanst fáa svar upp á bíbilskar spurningar ella fáa meira at vita um Jehova vitni.