Kúnnuɖetɔ́ Jehovah Tɔn lɛ ka Nɔ Yì Dotóoxwé À?
Ganji, Kúnnuɖetɔ́ Jehovah tɔn lɛ nɔ nu atínkɛ́n bo nɔ lɛ́ yí gbè bɔ è nɔ kpé nukún dó ye wu ɖò dotóoxwé. Mǐ nɔ dó gǎn bo nɔ kpé nukún dó agbaza mǐtɔn kpo lanmɛ mǐtɔn kpo wu có, hweɖelɛnu ɔ, mǐ nɔ “ɖó hudo dotóo ɖé tɔn.” (Luki 5:31, Easy-to-Read Version) Nǔgbo ɔ, Kúnnuɖetɔ́ Jehovah tɔn ɖé lɛ tlɛ nyí dotóo, Klisanwun xwè kanweko nukɔntɔn ɔ tɔn Luki ɖɔhun.—Kolosinu lɛ 4:14.
Amɔ̌, nukúnkpédómɛwu dotóoxwé tɔn ɖé lɛ nɔ sɔgbe xá nǔgbododó Biblu tɔn lɛ ǎ, bɔ mǐ nɔ gbɛ́. Ði kpɔ́ndéwú ɔ, mǐ nɔ dó hun ǎ, ɖó Biblu gbɛ́ ɖɔ è ni ma ɖu hun ó. (Mɛsɛ́dó 15:20) Ðò ali ɖokpo ɔ nu ɔ, Biblu gbɛ́ nukúnkpédómɛwu alǒ wlɛnwín ɖěɖee mɛ awovínúwiwa lɛ nɔ ɖè lɛ é.—Galatinu lɛ 5:19-21.
É ɖò mɔ̌ có, nukúnkpédómɛwu dotóoxwé tɔn gegě tíìn bo sɔgbe xá nǔgbododó Biblu tɔn lɛ. Enɛ wu ɔ, mɛ ɖokpo ɖokpo wɛ ɖó na wá gbeta tɔn kɔn. Kúnnuɖetɔ́ ɖé sixu yí gbè nú atínkɛ́n, amasin alǒ nukúnkpédómɛwu ɖé, bɔ Kúnnuɖetɔ́ ɖevo ka na gbɛ́ atínkɛ́n, amasin alǒ nukúnkpédómɛwu ɖokpo ɔ.—Galatinu lɛ 6:5.
Xóta élɔ́ lɛ́ lɔ sixú jɛjí nú we
NǓKANBYƆ́ BIBLU TƆN LƐ́ SÍN XÓSIN
Klisanwun ɖé ka Sixu Yí Gbè nú Nukúnkpédómɛwu Dotóoxwé Tɔn À?
Wlɛnwín nukúnkpédómɛwu dotóoxwé tɔn ɖěɖee sín gbeta kɔn mǐ nɔ wá lɛ é kan Mawu wɛ à?
NǓ E MƐ LƐ́ NƆ YÁ WǓ KANBYƆ́ LƐ́ É
Etɛwu Kúnnuɖetɔ́ Jehovah Tɔn lɛ Ma ka Nɔ Dó Hun Ǎ?
Nukúnnúmɔjɛnǔmɛ agɔ gegě wɛ mɛ lɛ ɖó dó Kúnnuɖetɔ́ Jehovah tɔn lɛ kpo hundidó kpo wu. Kplɔ́n nǔgbo ɔ dó nǔ e mǐ ɖi nǔ na ɖò akpá enɛ xwé é wu.
NǓ E MƐ LƐ́ NƆ YÁ WǓ KANBYƆ́ LƐ́ É
Kúnnuɖetɔ́ Jehovah Tɔn lɛ́ Nɔ Gbɛ́ Abǎhwɛ Gbigbo Wɛ A?
Nǔgbódodó Biblu tɔn we xlɛ́ ali mǐ bɔ mǐ ná wá gbeta mǐɖésúnɔ tɔn lɛ́ kɔn dó abǎhwɛ gbigbo wú.
NǓ E KAN MǏ LƐ́ É
Byɔ̌ ɖɔ è ní wá ba we kpɔ́n
Gbějé nǔkanbyɔ́ Biblu tɔn ɖé kpɔ́n, alǒ kplɔ́n nǔ ɖěvo lɛ́ dó Kúnnuɖetɔ́ Jehovah tɔn lɛ́ wú.