Kúnnuɖetɔ́ Jehovah Tɔn lɛ Nɔ Wà Mɛsɛ́dózɔ́ Wɛ À?
Ganji. Fí ɖebǔ e mǐ mɛ Kúnnuɖetɔ́ Jehovah tɔn lɛ ɖè é ɔ, mǐ mɛ bǐ nɔ tɛ́n kpɔ́n bo nɔ ɖó linlin mɛsɛ́dózɔ́wiwa tɔn, bo nɔ má nǔ e mǐ ɖi nǔ na lɛ é xá mɛ e mǐ nɔ xò gò lɛ é hwɛhwɛ.—Matie 28:19, 20.
Gɔ́ na ɔ, Kúnnuɖetɔ́ ɖé lɛ nɔ sɛ̀ tɛn yì xá ɖé lɛ mɛ ɖò tò yeɖesunɔ tɔn mɛ, fí e mɛ lɛ ɖó na sè wɛnɖagbe e ɖò Biblu mɛ lɛ é ɖè é. Kúnnuɖetɔ́ ɖevo lɛ nɔ sɛ̀ tɛn yì tò ɖevo lɛ mɛ bo na dó gbló ada nú sinsɛnzɔ́ yetɔn. Alɔɖiɖó ɖò nǔɖɔɖ’ayǐ Jezu tɔn elɔ sín jijɛnu mɛ nɔ víví nú ye: “Mi na nyí kúnnuɖetɔ́ ce, . . . kaka yì jɛ fí e gbɛ̀ ɔ kponu ɖó é.”—Mɛsɛ́dó 1:8.
Ðò 1943 ɔ, mǐ ɖó wemaxɔmɛ ɖé ayǐ bo na dó kplɔ́n nǔ bǔnɔ lɛ mɛsɛ́dó mǐtɔn ɖé lɛ. Sín hwenɛnu ɔ, Kúnnuɖetɔ́ afatɔ́n donu 8 jɛji wɛ ko yì wemaxɔmɛ enɛ e è nɔ ylɔ́ ɖɔ Wemaxɔmɛ Biblu Kpinkplɔn Watchtower Galadi tɔn é.
Xóta élɔ́ lɛ́ lɔ sixú jɛjí nú we
LĚE È NƆ ZÁN NǓNINA TOWE LƐ GBƆN É
Mɛsɛ́dó “Kaka Yì Jɛ Fí E Gbɛ̀ ɔ Kponu Ðó É”
Mɛsɛ́dó e è sɛ́dó gle ɔ mɛ lɛ é 3 000 jɛji wɛ ɖò sinsɛnzɔ́ wà wɛ gbɔn gbɛ̀ ɔ bǐ mɛ. Nɛ̌ è ka nɔ kpé nukún dó hudo yetɔn lɛ wu gbɔn?
NǓ E MƐ LƐ́ NƆ YÁ WǓ KANBYƆ́ LƐ́ É
Nɛ̌ tuto Biblu kplɔ́nkplɔ́n tɔn e Kúnnuɖetɔ́ Jehovah tɔn lɛ́ nɔ xwlé mɛ é ka nɔ yi gbɔn?
Kpó Biblu kplɔ́nkplɔ́n vɔ̌nu sín tuto e Kúnnuɖetɔ́ Jehovah tɔn lɛ́ nɔ xwlé mɛ é kpó ɔ, a sixú zán lǐlɛ́dógbeɖévomɛ Biblu tɔn ɖěbǔ. A vo bó ná ylɔ́ xwédo towe blěbú alǒ xɔ́ntɔn towe lɛ́ ɖěbǔ bɔ yě ná gɔ́ nú we.
NǓKPLƆ́NMƐ BIBLU TƆN LƐ́
Tɛ́n lěe mǐ nɔ kplɔ́n Biblu xá mɛ gbɔn é kpɔ́n
Nǔ nǔkplɔ́nmɛtɔ́ ɖé ní kplɔ́n Biblu xá we vɔ̌nu.