Ɛɛn. Kúnnuɖetɔ́ Jehovah tɔn lɛ bǐ wɛ nyí wɛnjlatɔ́, kaka jɛ nyɔnu livi mɔkpan jí. Lee Biblu ko ɖɔ ɖ’ayǐ gbɔn é ɔ, “nyɔnu lɛ dó ahwan gbě bo ɖò [wɛnɖagbe ɔ jla] wɛ.”—Ðɛhan 68:12.

 Nyɔnu ɖěɖee nyí Kúnnuɖetɔ́ Jehovah tɔn lɛ é nɔ xwedó kpɔ́ndéwú nyɔnu e xó Biblu ɖɔ lɛ é tɔn. (Nǔnywɛxó 31:10-31) Nǔgbo wɛ ɖɔ ye nɔ nɔ nukɔn ɖò agun ɔ mɛ ǎ, amɔ̌, ye nɔ ɖ’alɔ ɖò Mawuxóɖiɖɔzɔ́ ɔ mɛ bǐ mlɛ́mlɛ́. Ye nɔ lɛ́ kplɔ́n nǔgbododó Biblu tɔn lɛ vǐ yetɔn lɛ. (Nǔnywɛxó 1:8) Nyɔnu e nyí Kúnnuɖetɔ́ lɛ é nɔ dó gǎn bo nɔ sɔ́ kpɔ́ndéwú ɖagbe ɖ’ayǐ gbɔn xóɖiɖɔ kpo nǔwalɔ yetɔn lɛ kpo gblamɛ.—Titu 2:3-5.