Ðo 26 mai 2024 ɔ, nɔví Abdiel Worou e ɖo Wěɖegbɛ́ alaxɔ gbadahwe jí Aflíka tɔn tɔn mɛ é ɖe Nǔwlánwlán mímɛ́ Glɛ̌kigbe tɔn lɛ́. Biblu gbɛ yɔ̌yɔ́ ɔ tɔn tɔ́n dó fɔngbe mɛ, ɖo kplé bǔnɔ ɖé hwenu ɖo kpléɖókpɔ́ sín xɔ Abomey tɔn mɛ ɖo Bénin. Nɔví súnnu kpó nɔví nyɔ̌nu kpó 920 wɛ nɔ nǔwiwa ɔ tɛnmɛ tlɔlɔ. Bɔ mɛ 6188 ɖěvo lɛ́ kpɔ́n tuto ɔ gbɔn kan jí. È má Nǔwlánwlán mímɛ́ Glɛ̌kigbe tɔn lɛ́ ɔ ée è zín lɛ́ é nú mɛ e wá lɛ́ é. Biblu énɛ́ ɔ sín xóyídókanjí kpó ée è sixú xa ɖo alǒkan alǒ tablɛ́ti jí é kpó lɛ́vɔ́ tɔ́n bɔ è sixú yí tlóló tlóló.

É hwe bǐ ɔ, gbɛtɔ́ lǐvi we wɛ nɔ dó fɔngbe ɖo Bénin, bɔ nɔví súnnu kpó nɔví nyɔ̌nu kpó 4000 ɖo yě mɛ, ɖo agun kpó kánɖó kpó 84 mɛ. Sín hwenu e è ɖe Wɛnɖagbewéma Matíe tɔn tɔ́n ɖo 2022 é ɔ, è ko ɖe Nǔwlánwlán mímɛ́ Glɛ̌kigbe tɔn lɛ́ sín wěma ɖěvo lɛ́ tɔ́n kpɛɖé kpɛɖé dó alǒkan sín alɔ jí.

Mǐ xo kpóɖó nú nɔví súnnu kpó nɔví nyɔ̌nu kpó mǐtɔn e nɔ dó fɔngbe lɛ́ é bo dó kú nú Jexóva, ɖó blǒ e é bló bɔ Xó tɔn nǔgbó ɔ tíin nú mɛ e jló ná zán wěɖexámɛ tɔn lɛ́ ɖo gbɛzán yětɔn mɛ lɛ́ é gěgé é.—Jaan 17:17.