Biblu ka Ðɔ Xó Dó Alɔwliwli Mɛ E Ðó Mɛ̌ Ðokpo ɔ lɛ É Tɔn Wu Wɛ À?
Xósin e Biblu na é
Gbɛɖotɔ́ mǐtɔn ko sɔ́ sɛ́n e ɖɔ nǔ dó alɔwliwli wu lɛ é ɖ’ayǐ xóxó cobɔ acɛkpikpa lɛ wá jɛ sɛ́n yetɔn lɛ ɖetɔ́n jí. Wema nukɔntɔn Biblu tɔn ɖɔ nú mǐ ɖɔ: “Sunnu na jó tɔ́ tɔn kpo nɔ tɔn kpo dó, bo na jɛ kpɔ́ xá asì tɔn, bɔ ye mɛ wè lɛ na huzu ɖokpo géé.” (Bǐbɛ̌mɛ 2:24) Sɔgbe kpo xókwintinmɛwegbo ɖé kpo ɔ, xókwin Ebléegbe tɔn e è lilɛ dó “asì” é “dó gesí nyɔnu ɖé.” (Vine’s Expository Dictionary of Biblical Words) Jezu dó zǒgbe jí ɖɔ mɛ ɖěɖee wlí alɔ bo jɛ kpɔ́ lɛ é ɖó na nyí “sunnu kpo nyɔnu kpo.”—Matie 19:4.
Enɛ wu ɔ, linlin Mawu tɔn wɛ nyí ɖɔ alɔwliwli ni nyí kancica tɛgbɛ tɔn syɛnsyɛn ɖé ɖò sunnu ɖé kpo nyɔnu ɖé kpo tɛntin. È bló sunnu kpo nyɔnu kpo bonu ye na d’alɔ yeɖée bo na dó sixu kpé nǔ wu bo sú dò lee nǔ nɔ cí nú yeɖée lɛ é kpo xóɖóxámɛ kpo tɔn lobo lɛ́ jì vǐ.
Xóta élɔ́ lɛ́ lɔ sixú jɛjí nú we
NǓKANBYƆ́ BIBLU TƆN LƐ́ SÍN XÓSIN
Etɛ Biblu ka Ðɔ Dó Xó Ðiɖó Xá Mɛ E kpo Mɛ kpo Ðó Mɛ̌ Ðokpo ɔ É Wu?
Linlin tɛ Mawu ka nɔ dó xó ɖiɖó xá mɛ e kpo mɛ kpo ɖó mɛ̌ ɖokpo ɔ é sín nǔwalɔ lɛ wu? Mɛ e nɔ ɖó jlǒ xó ɖiɖó xá mɛ e kpo é kpo ɖó mɛ̌ ɖokpo ɔ tɔn é ka sixu hɛn xomɛ Mawu tɔn hun à?
