•   “Ðo États-Unis ɔ, ɖibla nyí mɛ e ko nyí mɛxó lɛ́ é sín vlɔɖówe wɛ ɖɔ ɖɔ émí nɔ mɔ ɖɔ émí ɖó émíɖokpónɔ, bɔ yě mɛ e sín xwe ɖo 18 jɛ 25 vlamɛ lɛ́ é wɛ nǔ ka nɔ cí mɔ̌ ná tawun.”—Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community, 2023.

•   “[Tutomɛ gbɛ ɔ tɔn e nɔ kpé nukún dó lanmɛ ná nɔ ganjí xó wú é] ɖɔ ɖɔ émí ɖó gbɛ̌ta ɖé ayǐ, bɔ gbɛ̌ta énɛ́ sín azɔ̌ wɛ nyí ɖɔ é ná yá wǔ gbéjé mɛɖokpónɔ ninɔ sín xó ɔ kpɔ́n dó yǐyá mɛ, é ná dó wǔsyɛ́n lanmɛ nú gbɛtɔ́ lɛ́ ɖɔ xɔ́ntɔn zunzun xá mɛ ɖěvo lɛ́ ní nɔ myá nukún nú yě, lobo ná lɛ́ ba ali ɖagbe hú gǎn ɖěvo e nu è ná nɔ ɖe ɖɛ mɛɖokpónɔ ninɔ sín tagba ɔ ɖe ɖo to lɛ́ bǐ mɛ lɛ́ é, ényí to énɛ́ lɛ́ ná bo ji ya gbɔn ɖěbǔ ɔ.”—Tutomɛ gbɛ ɔ tɔn e nɔ kpé nukún dó lanmɛ ná nɔ ganjí xó wú é, 15 novembre 2023.

 Biblu ɖe wě ɖagbe lɛ́ xá mɛ dó lěe mǐ sixú zun xɔ́ntɔn xá mɛ ɖěvo lɛ́, b’ɛ ná zɔ́n bɔ mǐ ma sɔ́ ná nɔ mɔ ɖɔ mǐ ɖo mǐɖokpónɔ ɖě ǎ gbɔn é wú.

 Ðe nǔ e nɔ zɔ́n bɔ a ma nɔ ɖo kpɔ́ xá mɛ ɖěvo lɛ́ ǎ lɛ́ é wiwa kpo. Tɛn Ɛntɛnɛ́ti tɔn e jí è nɔ zun xɔ́ntɔn ɖe lɛ́ é zínzán zɛ xwé wú ɖo nǔ mɔ̌hun lɛ́ mɛ. É nyɔ́ wa ɔ, nɔ ba ali ɖěɖěe nu a ná zán hwenu ɖó kpɔ́ xá mɛ ɖěvo lɛ́ tlɔlɔ ɖe lɛ́ é. Mɔ̌ mɛ ɔ, a ná zun xɔ́ntɔn jɔ xɔ́ntɔn lɛ́.

•   Nǔgbódodó Biblu tɔn: “Xɔ́ntɔn nyɔ́ hwebǐnu. È nɔ ɖó nɔví bɔ é ná dó alɔ mɛ adǎngbomɛ hwenu.”—Nǔnywɛ́xó 17:17.

 Nɔ ba ali ɖěɖěe nu a ná dó alɔ mɛ ɖěvo lɛ́ ɖe lɛ́ é. Xomɛnyínyɔ́ sín nǔ lɛ́ wiwa nú mɛ ɖěvo lɛ́ nɔ bló bɔ kancícá e ɖo mǐ kpó yě kpó tɛ́ntin é nɔ lí dǒ d’é jí; énɛ́ kɛ́ɖɛ́ ka wɛ ǎ, é nɔ lɛ́ zɔ́n bɔ mǐɖésúnɔ nɔ ɖó awǎjijɛ hú gǎn.

•   Nǔgbódodó Biblu tɔn: “Nǔnámɛ nɔ ná awǎjijɛ mɛ hú nǔyíɖomɛsí.”—Mɛsɛ́dó 20:35.

 Kíjé tɛn Ɛntɛnɛ́ti tɔn mǐtɔn kpɔ́n bá mɔ mɔjɛmɛ Biblu tɔn ɖěvo lɛ́ dó lěe è sixú zun xɔ́ntɔn ɖagbe lɛ́ gbɔn lɛ́ é wú.