Gbɔn gbɛ ɔ bǐ mɛ ɔ, mɛ gěgé wɛ é nɔ vɛ́ wǔ ná tawun bónú yě ná mɔ akwɛ́ bo nɔ gbɛ, bɔ ninɔmɛ énɛ́ lɛ́ fɔ́n bo ɖo nylǎnyá d’é jí wɛ mɔ̌hunkɔtɔn.

•   Sɔgbe kpó do e è ba nú nǔ agaɖanu gbɔn gbɛ ɔ bǐ mɛ é ɖé kpó ɔ, a nǔ nabí e gbɛtɔ́ lɛ́ nɔ sɔ́ “akwɛ́ e yě nɔ ɖu é dó xɔ ná é fɔ́n bo ɖo ɖiɖekpo wɛ tawun.” Gbeɖíɖó ɔ gb’akpá nú mɛ ɖɔ ényí nǔ ɖěbǔ ma ɖyɔ́ ǎ ɔ, vogbingbɔn ɖaxó tawun ná wá tíin ɖo “mɛ e jɛ dɔkun lɛ́ é kpó mɛ e ma jɛ ǎ lɛ́ é kpó tɛ́ntin,” lobɔ “xwédo gěgé sín gbɛ ná lɛ́ nylá hú lěe é ko ɖe é.”

 Acɛkpikpa lɛ́ ka ná kpé wú bo ɖe ɖɛ akwɛ́yózo e fɔ́n bo ɖo syɛ́nsyɛ́n d’é jí wɛ é, alǒ tlɛ bló b’ɛ ná kpɔ́n te a?

 Biblu tínmɛ ɖɔ acɛkpikpa ɖokpó tíin, bo kpé wú bá ɖe ɖɛ akwɛ́yózo sín tagba lɛ́ bǐ, káká jɛ zɛ̌nzɛ̌n ninɔ e ma tíin ǎ é jí, bo ka ná wa mɔ̌. É ɖɔ ɖɔ ‘Mawu jǐxwé tɔn ná ɖe axɔ́súɖuto ɖokpó tɔ́n,’ acɛkpikpa ɖé wɛ bo ná kp’acɛ dó ayǐkúngban ɔ bǐ jí. (Daniyɛ́li 2:44) Ðo acɛkpikpa énɛ́ e ná kp’acɛ dó gbɛ ɔ bǐ jí é glɔ́ ɔ, è ná wɔn mɛ ɖěbǔ ǎ. (Ðɛhan 9:19) Axɔ́súɖuto Mawu tɔn ná bló bɔ toví tɔn lɛ́ ná mɔ nǔ e sín hudó yě ɖó bá ɖó awǎjijɛ lɛ́ é. Mɛ bǐ ná kpé wú bo ná ɖu vǐví azɔ̌ syɛ́nsyɛ́n yě nɔ wa lɛ́ é tɔn.—Ezayíi 65:21, 22.