NǓKANBYƆ́ 7
Étɛ́ Biblu ka ɖɔ ɖ’ayǐ dó hwenu mǐtɔn wú?
“Ðó akɔta ɖě ná tɔ́n ahwan ɖě, bɔ axɔ́súɖuto ɖě ná tɔ́n ahwan ɖě . . . Nǔ énɛ́ lɛ́ bǐ ɔ, bǐbɛ́ wǔvɛ́ lɛ́ tɔn wɛ.”
“Gbeyíɖɔ-nyíjɛtɔ́ gěgé ná wá xwetɔ́n bo ná flú mɛ gěgé; bɔ ɖó sɛ́ngbigba ná ɖo jijɛjí wɛ wútu ɔ, wǎnyíyí mɛ gěgé tɔn ná fá.”
“Gɔ́ ná ɔ, ényí mi se ahwanfunfun sín zǐngídi ɖo fí e sɛkpɔ́ mi lɛ́ é, bo se ahwanfunfunxó ɖo fí e lín dó mi lɛ́ é hǔn, ayi mitɔn ní ma gba dó ó; nǔ énɛ́ lɛ́ ɖó ná jɛ, amɔ̌, vivɔnu ɔ ko nɛ́ ǎ.”
“Ayǐkúngban ná dán wǔ syɛ́nsyɛ́n, lobɔ sín fí ɖé jɛ fí ɖěvo ɔ, nǔɖuɖu ná hwe dó mɛ, bɔ jɛmɛjí ná ɖe; gbɛtɔ́ lɛ́ ná mɔ nǔ e ná dó xɛsi yě lɛ́ é, yě ná mɔ wuntun ɖaxó ɖaxó e gosín jǐxwé lɛ́ é.”
“Amɔ̌, tuun ɖɔ ɖo azǎn gǔdo gúdo tɔn lɛ́ mɛ ɔ, hwenu e syɛ́n bo vɛ́ wǔ bɔ è ná ɖí xwi xá lɛ́ é ná tíin. Ðó gbɛtɔ́ lɛ́ ná nɔ nyí cejɛ́nnábínɔ, yě ná nɔ yí wǎn nú akwɛ́, yě ná nɔ jlá ajɔ̌ nú yěɖée, yě ná nɔ yí go, yě ná nɔ nylá nu, yě ná nɔ tlí tó nú mɛjitɔ́ yětɔn lɛ́, yě ná nɔ dó alɔgúdokpɛ́ nú mɛ, yě ná nɔ nɔ gbejí ǎ, yě ná nɔ ɖó wǎnyíyí jɔwámɔ tɔn ɖěbǔ ǎ, yě ná nɔ ba ná ɖó gbe kpɔ́ ǎ, yě ná nɔ dó ji mɛ, yě ná nɔ ɖu ɖo yěɖée jí ǎ, yě ná nɔ nylá hun, yě ná nɔ yí wǎn nú ɖagbewiwa ǎ, yě ná nɔ sa mɛ ɖu, yě ná nɔ syɛ́n ta, yě ná nɔ yí go zɛ xwé wú, yě ná nɔ yí wǎn nú gbɛɖuɖu hú ɖɔ yě ní yí wǎn nú Mawu, yě nɔ nyí gbejínɔnúmawutɔ́ ɖo nukúnta, bo ka nɔ gbɛ́ hlɔ̌nhlɔ́n gbejíninɔ nú Mawu tɔn ɔ; lɛ̌ kɔ sín mɛ énɛ́ lɛ́ gúdo.”
