Jezu sɔ́ gbɛ̀ tɔn dó savɔ̌ dó gbɛtɔ́ hwɛhutɔ́ lɛ tamɛ. (Hlɔ 5:8) É ɖò wɛn ɖɔ wǎn e Jezu yí nú mǐ bo kú dó ta mǐtɔn mɛ é xɔ akwɛ ɖò mǐɖesunɔ nukúnmɛ. É ɖò mɔ̌ có, hweɖelɛnu ɔ, mǐ ɖó na flín ɖɔ Klisu kú dó nɔví mǐtɔn lɛ lɔmɔ̌ tamɛ. Nɛ̌ mǐ ka sixu yí wǎn nú nɔví sunnu kpo nɔví nyɔnu mǐtɔn lɛ kpo ɖěɖee nyí hwɛhutɔ́ mǐ ɖɔhun lɛ é Klisu ɖɔhun gbɔn? Mǐ ni kpɔ́n ɖò ali atɔn nu. Nukɔntɔn ɔ, mǐ sixu gbló ada nú mɛ ɖěɖee mǐ nɔ zun xɔ́ntɔn xá lɛ é, bo na lɛ́ zun xá mɛ ɖěɖee kpo mǐ kpo ma ɖó aca ɖokpo ɔ ǎ lɛ é. (Hlɔ 15:7; 2Kɔ 6:12, 13) Wegɔ ɔ, mǐ sixu tɛ́n kpɔ́n bo na nɔ nyì alɔ nú xó alǒ nǔwiwa ɖěɖee na hɛn nǔ gblé dó wǔ nú mɛ ɖevo lɛ é. (Hlɔ 14:13-15) Gudo tɔn ɔ, enyi mɛɖé hu hwɛ dó mǐ ɔ, mǐ sixu nɔ yawu sɔ́ hwɛ kɛ ɛ. (Lk 17:3, 4; 23:34) Enyi mǐ nɔ dó gǎn bo nɔ xwedó kpɔ́ndéwú Jezu tɔn ɖò ali enɛ lɛ nu ɔ, Jehovah na nɔ sɔ́ fífá kpo bǔninɔ kpo dó dó nú agun ɔ.

KPƆ́N VIDEO NƆ NYƆ́ KPƆ́JƐJI! Ɔ, ENƐ GUDO HǓN, NǍ XÓSIN NÚ NÙKANBYƆ ELƆ LƐ:

• Ðò bǐbɛ̌mɛ ɔ, nukún tɛ Miki ka nɔ sɔ́ dó kpɔ́n agun tɔn na?

• Etɛ ka zɔ́n bɔ é wá huzu linlin?

• Nɛ̌ kpɔ́ndéwú Jezu tɔn ka d’alɔ Miki b’ɛ jla linlin tɔn ɖó gbɔn? (Mk 14:38)

• Nɛ̌ Nùnywɛxó 19:11 ka sixu d’alɔ mǐ, bɔ mǐ na nɔ kpɔ́n Klisanwun hàtɔ́ mǐtɔn lɛ dó ɖagbe jí gbɔn?