DƆKUN MAWUXÓ Ɔ TƆN ÐÉ LƐ | EZAYÍI 52-57
Klisu Jiya Dó Ta Mǐtɔn Mɛ
“Mɛ bǐ nɔ hu tɛ́ n’i bo jó è dó . . . Mǐdɛɛ lɛ ka vɛdo ɖɔ Mawu wɛ dɔn tó n’i sín, mǐ vɛdo ɖɔ Mawu sín alɔ wɛ jɛ wu tɔn bo dó winnya ɛ sín”
53:3-5
-
È gbɛ́ wǎn nú Jezu bo dó hwɛ ɛ ɖɔ é nyla nu dó Mawu wu. Mɛɖé lɛ lin ɖɔ Mawu wɛ ɖò tó dɔn n’i wɛ sín, ci nǔ ɖɔ é sɔ́ azɔn baɖabaɖa dó ɖò xixo è na wɛ ɖɔhun
“Mawu Mavɔmavɔ sɔ́ wuvɛ̌ dó dó ya nú mɛsɛntɔ́ tɔn bɔ é vɛ́ jlɛ́ . . . É jí wɛ Mawu Mavɔmavɔ na gbɔn bo na bló nǔ e é tò lɛ”
53:10
-
É ɖò wɛn ɖɔ Jehovah sè wuvɛ̌ hwenu e é mɔ bɔ è hu vǐ sunnu tɔn é. Amɔ̌, é víví n’i tawun hwenu e é mɔ bɔ Jezu nɔ gbeji bǐ mlɛ́mlɛ́ é. Kú Jezu tɔn na xósin nú jidómɛ Satáan tɔn e kúnkplá gbejininɔ Mawu sɛntɔ́ lɛ tɔn é, bo lɛ́ hɛn nyɔna wá nú gbɛtɔ́ ɖěɖee lɛkɔ sín hwɛ yetɔn gudo lɛ é. Mɔ mɛ ɔ, é d’alɔ bonu ‘tito Mawu Mavɔmavɔ tɔn’ alǒ ‘jlǒ Jehovah tɔn’ na jɛnu
