Nùɖuɖu Nina Mɛ Gègě Gbɔn Gbɛtɔ́ Kpɛɖé Jí
Tlolo jɛ nukɔn nú Dindinwayixwe xwè 32 H.M. tɔn ɔ, Jezu wà nùjiwǔ ɖé, bɔ nùjiwǔ enɛ kɛɖɛ wu wɛ Wɛnɖagbe-Wema wlantɔ́ ɛnɛ lɛ bǐ kɛnu dó.
Gbɔn nùjiwǔ enɛ gblamɛ ɔ, Jezu sɔ́ aca e é na kpó ɖò xwixwedó wɛ ɖò hwe mǐtɔn nu é ɖé ɖ’ayǐ.
-
Wɔxúxú atɔ́ɔ́n kpo hweví wè kpo jɛn ɖò ahwanvu Jezu tɔn lɛ sí có, é ka zɔ́n azɔ̌ ye ɖɔ ye ni na nùɖuɖu ahwan ɔ
-
Ee Jezu sɔ́ wɔxúxú atɔ́ɔ́n lɛ kpo hweví wè lɛ kpo bo xoɖɛ gudo é ɔ, é jɛ mimǎ nú ahwanvu tɔn lɛ jí, bɔ ye lɔ má nú ahwan ɔ
-
Kpo nùjiwǔ enɛ kpo ɔ, nùɖuɖu ɔ sukpɔ́ kaka bɔ mɛ bǐ mɔ ɖu. Jezu na nùɖuɖu gbɛtɔ́ afatɔ́n mɔkpan gbɔn mɛ kpɛɖé jí: ye wɛ nyí ahwanvu tɔn lɛ
-
Jezu ɖɔ ɖ’ayǐ ɖɔ ɖò azǎn gudogudo tɔn lɛ mɛ ɔ, emi na sɔ́ mɛɖé ɖó mɛ emitɔn lɛ nu bɔ é na nɔ na “nùɖuɖu ye dó hwetɔnnu.”—Mt 24:45
-
Ðò 1919 ɔ, Jezu sɔ́ ‘deví gbejinɔtɔ́, ayiɖotenanɔ ɔ,’ gbɛ̌ta klewun nɔví sunnu yí ami dó ɖè lɛ tɔn ɔ ɖó “mɛ e ɖò xwé tɔn gbè lɛ nu,” ye wɛ nyí mɛ ɖěɖee è nɔ na nùɖuɖu lɛ é
-
Gbɔn gbɛ̌ta klewun nɔví sunnu yí ami dó ɖè enɛ lɛ tɔn gblamɛ ɔ, Jezu kpó ɖò aca e é sɔ́ ɖ’ayǐ ɖò xwè kanweko nukɔntɔn ɔ mɛ é xwedó wɛ
Nɛ̌ un ka sixu ɖexlɛ́ ɖɔ un tuùn ali enɛ e nu Jezu nɔ na nùɖuɖu gbigbɔ tɔn mɛ ɖè é, lobo nɔ ɖó sísí na gbɔn?