Enyi wɛnjlatɔ́ winnyawinnya e ma ko bló baptɛm ǎ é ɖé alǒ Biblu kplɔntɔ́ ɖé wɛ nú we ɔ, a ka sɔ́ baptɛm biblo dó ɖó nǔ e gbé nya wɛ a ɖè é à? Etɛwu a ka ɖó na bló baptɛm? Mɛɖée zízé jó nú Jehovah kpo baptɛm kpo nɔ hun ali kancica bǔnɔ ɖé ɖiɖó xá ɛ tɔn nú mɛ. (Ðɛ 91:1) Ye sixu hwlɛn mǐ. (1Pi 3:21) Nɛ̌ a ka sixu yì nukɔn kaka bo wà mɔ̌ gbɔn?

Ðexlɛ́ hwiɖée ɖɔ nǔgbo ɔ ɖíe. Ba dò nú nǔ hwiɖesunɔ bá dó mɔ xósin nú nǔxokpɔ́n ɖebǔ e a sixu ɖó é. (Hlɔ 12:2) Ð’ayǐ huzuhuzu e ɖò dandan ɖɔ a ni bló lɛ é wu, bo mɔ nǔ jɛ wu ɖɔ jlǒ e a ɖó bá dó hɛn xomɛ Jehovah tɔn hun é wu wɛ a blǒ huzuhuzu enɛ lɛ. (Nǔx 27:11; Efɛ 4:23, 24) Nɔ xoɖɛ dó byɔ alɔdó tɔn hwebǐnu. Ðeji ɖɔ Jehovah na na hlɔnhlɔn we bo lɛ́ nɔ gudo nú we kpo gbigbɔ mímɛ́ tɔn hlɔnhlɔnnɔ ɔ kpo. (1Pi 5:10, 11) Gǎn e a na dó lɛ é na gú we ǎ. Jehovah sinsɛn wɛ nyí gbɛzán e nyɔ́ hugǎn é!—Ðɛ 16:11.

KPƆ́N VIDEO ALI E NƆ KPLÁ MƐ YÌ BAPTƐM KƆN É Ɔ, ENƐ GUDO HǓN, NǍ XÓSIN NÚ NǓKANBYƆ ELƆ LƐ:

• Wuvɛ̌ tɛ lɛ jí mɛɖé lɛ ka ɖu ɖè bo dó bló baptɛm?

• Nɛ̌ a ka sixu sɔnǔ nú nǔɖiɖi e ɖò dandan bɔ a na sɔ́ hwiɖée jó nú Jehovah é gbɔn?

• Etɛ ka sísɛ́ mɛɖé lɛ bɔ ye ɖè afɔ e ɖò dandan lɛ é bo jɛxa bá bló baptɛm?

• Nyɔna tɛ lɛ mɛ ɖěɖee nɔ sɔ́ jlǒ dó sɛn Jehovah lɛ é ka nɔ mɔ?

• Etɛ ka nyí tinmɛ mɛɖée zízé jó nú Jehovah kpo baptɛm kpo tɔn?