A ka ba na w’azɔ̌ d’eji ɖò sinsɛnzɔ́ Jehovah tɔn mɛ ɖò Flǐn sín táan mɛ à? (2Kɔ 5:14, 15) Ðò mars kpo avril kpo mɛ ɔ, gbexosin-alijitɔ́ alɔgɔtɔ́ lɛ sixu wá gbeta ɔ kɔn bo na jlá wɛn ɔ nú ganxixo 30 alǒ 50 ɖò sun ɖokpo ɖokpo mɛ. Nú a kpéwú bo na ɖ’alɔ ɖò azɔ̌ bǔnɔ enɛ mɛ ɔ, d’alɔ wema mɛ bo sɔ́ jó nú Wěɖegbɛ́ Sinsɛnzɔ́ tɔn. Ðò sun ɖokpo ɖokpo mɛ ɔ, è na xwlé ɖɔnúese ɖé agun ɔ, bo na ɖɔ mɛ ɖěɖee è yí gbè bɔ ye na nyí gbexosin-alijitɔ́ alɔgɔtɔ́ lɛ é sín nyikɔ. Enɛ ɔ, agun ɔ sixu nɔ gudo nú gbexosin-alijitɔ́ lɛ ɖò sinsɛnzɔ́ ɔ mɛ. Mi nú mǐ bǐ ni ɖu lè ali ɖěɖee na hun nú mǐ ɖò Flǐn sín táan mɛ bɔ mǐ na bló bɔ wɛnjijlazɔ́ ɔ na bí alɔ nú mǐ d’eji, lobɔ mǐ na lɛ́ dó wusyɛn lanmɛ nú mǐɖée lɛ é tɔn bǐ mlɛ́mlɛ́.—1Tɛ 5:11.