Jehovah ka nɔ tuùn nǔ e nyɔ́ nú mǐ hugǎn é hwebǐnu à? É ɖò wɛn! Enyi mǐ tuùn mɔ̌ ɔ, nǔnywɛnú wɛ é na nyí ɖɔ mǐ ni nɔ xwedó alixlɛ́mɛ tɔn lɛ. (Nǔx 16:3, 9) Nǔ ɖò mɔ̌ có, enyi linlin mǐɖesunɔ tɔn gbɔn vo nú alixlɛ́mɛ tɔn ɔ, jì e mǐ nɔ ɖè dó alixlɛ́mɛ tɔn wu é sixu gbɔn tɛnkpɔn mɛ. Mǐ sixu na hlɔnhlɔn jì e mǐ ɖè dó nǔnywɛ Jehovah tɔn wu é gbɔn tamɛ linlin dó nǔɖiɖó tɔn lɛ jí gblamɛ.—Nǔx 30:24, 25; Hlɔ 1:20.

KPƆ́N VIDEO DǍ WƐ È DÁ À? NǓWUKPÍKPÉ E AYISINZƐN LƐ ÐÓ BƆ ALI MA NƆ JÁN DÓ YE Ǎ É Ɔ, ENƐ GUDO HǓN, NǍ XÓSIN NÚ NǓKANBYƆ ELƆ LƐ:

• Etɛ ayisinzɛn gegě ka nɔ wà gbè bǐ gbè?

• Nɛ̌ ayisinzɛn lɛ ka nɔ bló gbɔn bɔ ali ma ka nɔ ján dó ye ǎ?

• Etɛ lɛ lee ayisinzɛn lɛ nɔ sɛ̀ tɛn gbɔn é ka sixu kplɔ́n gbɛtɔ́ lɛ?

KPƆ́N VIDEO DǍ WƐ È DÁ À? JƆHƆN NƆ DÓ JƆ NÚ BOURDON ÐÒ ZINZƆN HWENU Ǎ Ɔ, ENƐ GUDO HǓN, NǍ XÓSIN NÚ NǓKANBYƆ ELƆ LƐ:

• Wuvɛ̌ tɛ lɛ gbɛtɔ́ lɛ ka nɔ mɔ hwenu e ye nɔ ɖò jɔmɛhun kpɛví kpɛví lɛ kun wɛ é?

• Nɛ̌ bourdon ka nɔ kpéwú bo nɔ zɔn ɖò jɔhɔn syɛnsyɛn nu gbɔn?

• Nɛ̌ gbɛtɔ́ lɛ ka sixu ɖu lè nǔnywɛ jɔwamɔ tɔn e bourdon ɖó é tɔn gbè ɖokpo gbɔn?

Kúnnuɖenú nǔnywɛ Jehovah tɔn tɛ lɛ a ka nɔ mɔ ɖò nǔɖiɖó lɛ mɛ ɖò fí e a nɔ nɔ é?