Bonu Biblu kplɔntɔ́ lɛ na dó sixu zun xɔ́ntɔn xá Jehovah ɔ, ye ɖó na nɔ dó gbɛ̌ ɖagbe lɛ. (Ðɛ 15:1, 4) Gbɛ̌ ɖagbe lɛ didó na sísɛ́ ye bɔ ye na wà nǔ ɖagbe.—Nǔx 13:20; lff nǔkplɔnkplɔn 48.

Nɔ sè wuvɛ̌ xá Biblu kplɔntɔ́ towe lɛ hwenu e a ɖò alɔ dó ye wɛ bonu ye na nyi alɔ nú gbɛ̌ nyanya lɛ didó é. É sixu vɛwǔ nú ye bɔ ye na ɖó alɔ te nú gbɛ̌ didó xá xɔ́ntɔn yetɔn e ɖò gbɛ̀ ɔ mɛ lɛ é. Enɛ wu ɔ, nɔ ɖexlɛ́ ye ɖɔ nǔ yetɔn nɔ ɖu ayi mɛ nú we, nɔ lɛ́ wà mɔ̌ ɖò azǎn e jí mi ma nɔ kplɔ́n Biblu ɖè ǎ lɛ é. Enɛ sixu byɔ ɖɔ a ni wlán nǔ sɛ́dó ye, ylɔ́ ye, alǒ yì ba ye kpɔ́n klewun. Ee Biblu kplɔntɔ́ towe lɛ na ɖò nukɔn yì wɛ é ɔ, a sixu ylɔ́ ye bonu ye na zán hwenu ɖó kpɔ́ xá mɛ Mawu tɔn lɛ. Mɔ̌ mɛ ɔ, ye na mɔ gaan ɖɔ nǔ e mɔ wɛ emi ɖè é hugǎn nǔ e emi ɖò jijodó wɛ é. (Mk 10:29, 30) Ee xwédo Jehovah tɔn na ɖò ada gbló wɛ é ɔ, hwi lɔ na ɖó awǎjijɛ.

KPƆ́N VIDEO D’ALƆ BIBLU KPLƆNTƆ́ TOWE LƐ BONU YE NI NƆ NYI ALƆ NÚ GBƐ̌ NYANYA LƐ DIDÓ Ɔ, ENƐ GUDO HǓN, NǍ XÓSIN NÚ NǓKANBYƆ ELƆ LƐ:

• Etɛ ka nyí gbɛ̌ nyanya lɛ?—1Kɔ 15:33

• Nɛ̌ Jaké ka lin ɖɔ mɛkplékpɔ́mɛ núwiwa Klisanwun lɛ tɔn ɖé sixu cí?

• Nɛ̌ Ana ka d’alɔ Jaké b’ɛ ɖyɔ gbɛ̌ nyanya e é nɔ dó lɛ é gbɔn?