Xó Mawu tɔn sixú húzú gbɛzán mǐtɔn. (Eb 4:12) É ɖo mɔ̌ có, ényí mǐ ná ɖu wě e é nɔ ɖe xá mɛ lɛ́ é kpó ali e é nɔ xlɛ́ mɛ lɛ́ é kpó sín vǐví ɔ, mǐ ɖó ná kú d’é jí ɖɔ “Mawuxó” wɛ é nyí nǔgbó. (1Tɛ 2:13) Nɛ̌ mǐ ka sixú ná hlɔ̌nhlɔ́n nǔ e mǐ ɖi nú Biblu é gbɔn?

Nɔ xa akpáxwé Biblu tɔn ɖé gbe bǐ gbe. Nú a ɖo xixa wɛ hǔn, nɔ ba kúnnuɖenú ɖěɖěe xlɛ́ ɖɔ Jexóva wɛ nyí Dǒwátɔ́ tɔn lɛ́ é. Ði kpɔ́ndéwú ɔ, gbějé wěɖexámɛ ɖěɖěe ɖo wěma Nǔnywɛ́xó tɔn mɛ lɛ́ é kpɔ́n, bo ɖ’ayi lěe nǔnywɛ́xó e è ɖɔ ɖ’é mɛ lɛ́ é kpo ɖo nyǐnyɔ́ zán wɛ hwe mǐtɔn nu gbɔn é wú.—Nǔx 13:20; 14:30.

Ðǒ tito nǔkplɔ́nkplɔ́n tɔn ɖé. Tɛ́n kpɔ́n bónú kúnnuɖenú ɖěɖěe xlɛ́ ɖɔ Mawu wɛ sɔ́ nǔ ɖěɖěe ɖo Biblu mɛ lɛ́ é d’ayi mɛ nú mɛ lɛ́ bɔ yě wlán lɛ́ é ní zawě nú we. Ðo Anademẹwe Dodinnanu Tọn Na Kunnudetọ Jehovah Tọn lẹ mɛ ɔ, kpɔ́n xóta “Biblu,” énɛ́ gúdo hǔn, kpɔ́n “Gbigbọdo sọn Jiwheyẹwhe Dè.” A sixú lɛ́ ná hlɔ̌nhlɔ́n nǔ e a ɖi ɖɔ wɛn e ɖo Biblu mɛ lɛ́ é kún húzú ó é, gbɔn nǔ e ɖo Atɔxwɛ n^o4 2016 tɔn mɛ lɛ́ é gbígbéjé kpɔ́n gblamɛ.

KPƆ́N VIDEO NǓ E WÚ MǏ ÐÓ NǓÐIÐI . . . NÚ XÓ MAWU TƆN É Ɔ, ÉNƐ́ GÚDO HǓN, NǍ XÓSIN NÚ NǓKANBYƆ́ ÉLƆ́ LƐ́:

• Nɛ̌ vodúnxwé e è mɔ ɖo Karnak ɖo Ejípu é ka gɔ́ so nú gbesisɔ Xó Mawu tɔn tɔn gbɔn?

  Your answer

• Nɛ̌ mǐ ka wa gbɔn bo tuun ɖɔ wɛn e ɖo Biblu mɛ é kún húzú ó?

  Your answer

• Nɛ̌ nǔ e Biblu xo zlɛ́ lɛ́ é ka xlɛ́ ɖɔ Xó Mawu tɔn wɛ é nyí nǔgbó nǔgbó gbɔn?—Xa Ezayíi 40:8

  Your answer