19-25 février
ÐƐHAN 8-10
Han 2 kpó ɖɛ kpó | Kplé ɔ sín nu sísɔ́ ɖó te (Cɛ́jú 1)
1. “[Jexóva,] un ná nɔ kpa we”!
(Cɛ́jú 10)
Jexóva nɔ wa ɖagbe nú mǐ b’ɛ zɛ (Ðɛ 8:4-7; w21.08 3 akpá. 6)
Mǐ nɔ ɖɔ nǔ ɖaaɖagbe ɖěɖěe Jexóva bló lɛ́ é nú mɛ ɖěvo lɛ́ dó kpa susu n’i kpó awǎjijɛ kpó (Ðɛ 9:2; w20.05 23 akpá. 10)
Mǐ nɔ kpa ɛ hwenu e mǐ nɔ ji han n’i kpó ayi mǐtɔn bǐ kpó é (Ðɛ 9:3; w22.04 7 akpá. 13)
KANBYƆ́ HWIÐÉE ÐƆ: ‘Ali ɖěvo tɛ́ lɛ́ nu un ka sixú kpa susu nú Jexóva ɖe?’
2. Nǔ xɔ akwɛ́ Biblu tɔn lɛ́ biba
(Cɛ́jú 10)
-
Ðɛ 8:4—Étɛ́ Davídi ka kplɔ́n hwenu e é ɖo tamɛ lin dó nǔɖíɖó Mawu tɔn lɛ́ jí wɛ é? (w23.03 19 akpá. 14)
-
Nǔ xɔ akwɛ́ tɛ́ lɛ́ a ka mɔ ɖo Biblu xixa aklúnɔzángbla élɔ́ tɔn mɛ?
3. Biblu xixa
(Cɛ́jú 4) Ðɛ 10:1-18 (th nǔkpɔ́nnúmɛ 11)
4. Xóɖɔɖókpɔ́ ɖé bíbɛ́
(Cɛ́jú 3) SÍN XWÉ ÐÉ GBE JƐ XWÉ ÐÉ GBE. Xwétɔ́ ɔ ɖɔ nú we ɖɔ émí kún ɖi nǔ nú Mawu ó. (lmd nǔkplɔ́nkplɔ́n 5 kɛ́n 4)
5. D’afɔ nú jlǒ e mɛ ɔ ɖó é
(Cɛ́jú 4) MAWUXÓÐIÐƆ HWENU E È MA ÐO KÚNNUÐEGBÉ Ǎ É. Ðo xóɖɔɖókpɔ́ ɖé mɛ wá yi ɔ, mɛ ɔ ɖɔ émí kún ɖi nǔ ɖɔ Mawu tíin ó, amɔ̌, émí ɖo gbesisɔmɛ bá gbéjé kúnnuɖenú ɖěɖěe xlɛ́ ɖɔ Gbɛɖótɔ́ ɖé tíin lɛ́ é kpɔ́n. (th nǔkpɔ́nnúmɛ 7)
6. Xóɖiɖɔ
(Cɛ́jú 5) w21.06 6-7 akpá. 15-18. Xóta: Nɔ d’alɔ Biblu kplɔ́ntɔ́ towe lɛ́ bónú yě ní nɔ kpa susu nú Jexóva. (th nǔkpɔ́nnúmɛ 10)
Han 10
7. Lěe mǐ ná ɖɔ mawuxó hwenu e mǐ ma ɖo kúnnuɖegbé ǎ é b’ɛ ná lɛ́ jɛ gan gbɔn é
(Cɛ́jú 10) Xóɖɔɖókpɔ́.
Ali e nu mǐ sixú bló bɔ susu e mǐ nɔ kpa nú Jexóva é ná jɛjí ɖé é ɖokpó wɛ nyí ɖɔ mǐ ná nɔ ɖe kúnnu nú mɛ ɖěɖěe mǐ nɔ kpé ɖo azɔ̌ gbe bǐ gbe tɔn mǐtɔn lɛ́ hwenu lɛ́ é. (Ðɛ 35:28) Nú mǐ jɛ mawuxó ɖɔ jí hwenu e mǐ ma ɖo kúnnuɖegbé ǎ é tlóló ɔ, ado sixú hu mǐ. É ɖo mɔ̌ có, ényí mǐ kplɔ́n lěe è nɔ bɛ́ xóɖɔɖókpɔ́ lɛ́ bo nɔ lɛ́ gbɛ kan dó yě nu b’ɛ nɔ jɛ gan gbɔn é ɔ, kúnnuɖiɖe alɔkpa énɛ́ sixú bí alɔ nú mǐ bɔ mǐ ná lɛ́ ɖu vǐví tɔn!
Xo VIDEO Nɔ ɖo gbesisɔmɛ bá jlá “wɛn ɖagbe fífá tɔn ɔ”: Nɔ ɖe afɔ nukɔntɔn ɔ ɔ. Énɛ́ gúdo hǔn, kan nǔ élɔ́ byɔ́ kpléwátɔ́ lɛ́:
Étɛ́ lɛ́ a ka kplɔ́n ɖo nǔkpínkpɔ́n-dó-kplɔ́n-nǔ ɔ mɛ bɔ yě sixú d‘alɔ we, lobɔ mawuxóɖiɖɔ hwenu e a ma ɖo kúnnuɖegbé ǎ é ná bí alɔ nú we d’é jí?
Wlɛnwín ɖé lɛ́ ɖíe bo sixú d’alɔ we bɔ a ná nɔ bɛ́ xóɖɔɖókpɔ́ lɛ́:
-
Nɔ ɖo acéjí dó ali e ná hun nú we bɔ a ná bɛ́ xóɖɔɖókpɔ́ lɛ́ é wú hweɖébǔnu é a gosín xwégbe é. Nɔ xo ɖɛ dó énɛ́ takúnmɛ bo nɔ byɔ́ Jexóva ɖɔ é ní nɔ dɔn we yi ayijlɔ́jlɔ́nɔ lɛ́ gɔ́n
-
Nɔ dó xɔ́ntɔn mɛ ɖěɖěe a nɔ mɔ lɛ́ é bo nɔ xlɛ́ yě ɖɔ nǔ yětɔn nɔ ɖu ayi mɛ nú we. Tɛ́n kpɔ́n bo ɖ’ayi nǔɖé wú ɖo mɛ ɔ wú bónú é ná d’alɔ we nú a ná tuun nǔgbó Biblu tɔn e ná dɔn ɛ é
-
Nú é nyɔ́ bló hǔn, nɔ ba wlɛnwín bo nɔ yí alǒkankɛ́n mɛ lɛ́ tɔn
-
Ényí a ma kpé wú bo ɖe kúnnu cóbónú xóɖɔɖókpɔ́ ɖé ɖó te ǎ hǔn, ma nú awakanmɛ kú we ó
-
Lin tamɛ dó mɛ ɔ jí ɖo xóɖɔɖókpɔ́ ɔ gúdo. Kpo ɖo mɛ ɔ xlɛ́ wɛ ɖɔ nǔ tɔn nɔ ɖu ayi mɛ nú émí gbɔn adlɛsi wěmafɔ alǒ xóta e ɖo jw.org jí é ɖé tɔn sísɛ́ dó è gblamɛ
Tɛ́n nǔ élɔ́ kpɔ́n: Nú mɛɖé kanbyɔ́ we ɖɔ: ‘Nɛ̌ aklúnɔzángbla fífó towe ka yi gbɔn?’ ɔ, ɖɔ xó dó nǔ e a kplɔ́n ɖo kplé jí é alǒ Biblu kplɔ́nkplɔ́n mɛ sín azɔ̌ e mǐ nɔ wa é jí n’i.
8. Hudó agun tɔn lɛ́
(Cɛ́jú 5)
9. Biblu kplɔ́nkplɔ́n agun tɔn
(Cɛ́jú 30) bt wět. 6 akpá. 1-8 kpó xónusɔ́ɖóte mǐmámɛ 2gɔ́ tɔn kpó
