26 février–3 mars
ÐƐHAN 11-15
Han 139 kpó ɖɛ kpó | Kplé ɔ sín nu sísɔ́ ɖó te (Cɛ́jú 1)
1. Kpɔ́n hwiɖée sɛ́ dó ɖo gbɛ yɔ̌yɔ́ Mawu tɔn e mɛ fífá ná gɔ́ é mɛ
(Cɛ́jú 10)
Hunnyahunnya to tɔn lɛ́ wɛ nɔ dɔn dǎkaxixo wá ɖo égbé (Ðɛ 11:2, 3; w06 15/5 18 akpá. 3)
Mǐ sixú ɖeji ɖɔ Jexóva ná ɖó nǔ dǎkaxixo bǐ nu zaanɖé din (Ðɛ 11:5; wp16.4 11)
Tamɛ linlin dó akpá e Jexóva dó ɖɔ émí ná hwlɛ́n mǐ é jí sixú d’alɔ mǐ bɔ mǐ ná ɖó suúlu, bo nɔ te kpɔ́n gbɛ yɔ̌yɔ́ ɔ (Ðɛ 13:5, 6; w17.08 6 akpá. 15)
TƐ́N NǓ ÉLƆ́ KPƆ́N: Xa Ezekiyɛ́li 34:25, bo kpɔ́n hwiɖée sɛ́ dó ɖo ninɔmɛ fífá tɔn e xó è ɖɔ ɖo fínɛ́ é mɛ.—kr 236 akpá. 16.
2. Nǔ xɔ akwɛ́ Biblu tɔn lɛ́ biba
(Cɛ́jú 10)
-
Ðɛ 14:1—Nɛ̌ nǔ e xó wěmafɔ énɛ́ ɖɔ é ka sixú wa nǔ dó klisánwun lɛ́ lɔ wú gbɔn? (w13 15/9 19 akpá. 12)
-
Nǔ xɔ akwɛ́ tɛ́ lɛ́ a ka mɔ ɖo Biblu xixa aklúnɔzángbla élɔ́ tɔn mɛ?
3. Biblu xixa
(Cɛ́jú 4) Ðɛ 13:2–14:7 (th nǔkpɔ́nnúmɛ 2)
4. Xóɖɔɖókpɔ́ ɖé bíbɛ́
(Cɛ́jú 2) MAWUXÓÐIÐƆ HWENU E È MA ÐO KÚNNUÐEGBÉ Ǎ É. Ylɔ̌ mɛ ɔ nú kú Klísu tɔn flínflín. (lmd nǔkplɔ́nkplɔ́n 5 kɛ́n 3)
5. Xóɖɔɖókpɔ́ ɖé bíbɛ́
(Cɛ́jú 1) SÍN XWÉ ÐÉ GBE JƐ XWÉ ÐÉ GBE. Ylɔ̌ mɛ ɔ nú kú Klísu tɔn flínflín. (lmd nǔkplɔ́nkplɔ́n 3 kɛ́n 4)
6. Xóɖɔɖókpɔ́ ɖé bíbɛ́
(Cɛ́jú 3) SÍN XWÉ ÐÉ GBE JƐ XWÉ ÐÉ GBE. È sɔ́ mɛylɔ́wéma kú Klísu tɔn flínflín tɔn nú mɛɖé bɔ é ɖó jlǒ. (lmd nǔkplɔ́nkplɔ́n 7 kɛ́n 4)
7. D’alɔ mɛ lɛ́ bónú yě ní húzú ahwanvú
(Cɛ́jú 5) lff nǔkplɔ́nkplɔ́n 13 étɛ́ lɛ́ a ka kplɔ́n?, vɔ̌gbɔnjí, kpó nǔ e gbé a sixú nya é kpó. Zǎn xóta e ɖo akpáxwé “Kíjé” mɛ é ɖokpó dó d’alɔ Biblu kplɔ́ntɔ́ towe nú é ní mɔ nukúnnú jɛ lěe nǔ nɔ cí nú Mawu dó sinsɛn nǔvú wú é mɛ. (th nǔkpɔ́nnúmɛ 12)
Han 8
8. “Nǔnywɛ́ nyɔ́ hú ahwanfunnú lɛ́”
(Cɛ́jú 10) Xóɖɔɖókpɔ́.
Dǎkaxixo ɖo jijɛjí wɛ ɖo gbɛ ɔ mɛ. Jexóva tuun ɖɔ dǎkaxixo e mǐ nɔ mɔ é kpó dǎka e è nɔ xo mǐ wú é kpó sixú ɖó adohu adohu nú mǐ tawun. É lɛ́ tuun ɖɔ mǐ ɖó hudó alɔcyɔ́nmɛjí tɔn. Ali e nu é nɔ cyɔ́n alɔ mǐ jí ɖe é ɖokpó wɛ nyí gbɔn Xó tɔn Biblu gblamɛ.—Ðɛ 12:6-8.
Nǔnywɛ́ e “nyɔ́ hú ahwanfunnú lɛ́” é wɛ ɖo Biblu mɛ. (Nǔt 9:18) Lin tamɛ dó lěe nǔgbódodó Biblu tɔn élɔ́ lɛ́ sixú nya xɛ ɖo mǐ jí bɔ è ma ná xo dǎka mǐ wú ǎ gbɔn é jí.
-
Nǔt 4:9, 10—Nyi alɔ nú hwiɖokpónɔ ninɔ ɖo fí e ma ɖo ayijayǐ mɛ ǎ lɛ́ é kpó ninɔmɛ e mɛ ayijayǐ ma ɖe ǎ lɛ́ é kpó
-
Nǔx 22:3—Nú a ɖo fí e gbɛtɔ́ sukpɔ́ ɖe é hǔn, nɔ nɔ acéjí dó mɛ e lɛ́ lɛ̌ dó we lɛ́ é wú
-
Nǔx 26:17—Ma nɔ ɖ’alɔ ɖo jlɛ e ma kan we ǎ lɛ́ é mɛ ó
-
Nǔx 17:14—Ényí é cí ɖɔ è ɖo dǎka ná xo wɛ ɖo fí ɖé hǔn, nɔ yá wǔ gosín fí ɔ. Nɔ lɛ́ nɔ zɔ nú mɛ e nɔ xo yěɖée kplé bá fɔ́n gǔ lɛ́ é
-
Lk 12:15—Ma sɔ́ gbɛ towe ɖ’axɔ́ nu bá dó nya xɛ ɖo nǔɖókan towe lɛ́ jí gbeɖé ó
Xo VIDEO Wa nǔ nǔɖitɔ́ lɛ́ ɖɔhun, ní ma nyí nǔmaɖitɔ́ lɛ́ ɖɔhun ó: Enɔ́ci, ní ma nyí Lamɛ́ki ó ɔ. Énɛ́ gúdo hǔn, kan nǔ élɔ́ byɔ́ kpléwátɔ́ lɛ́:
Nɛ̌ kpɔ́ndéwú Enɔ́ci tɔn ka d’alɔ tɔ́ ɔ ɖo gbeta e kɔn é wá lɛ́ é kpó lěe é wa nǔ ɖo dǎkaxixo nukɔn gbɔn é kpó mɛ gbɔn?—Eb 11:5
Ðo ninɔmɛ ɖé lɛ́ mɛ ɔ, klisánwun ɖé sixú mɔ ɖɔ émí ɖó ná wa nǔ e ɖo jlɛ̌ jí é ɖé lɛ́ dó jɛ hun dó émíɖée alǒ nǔ émítɔn lɛ́ jí. Nú mɔ̌ wɛ ɔ, é ɖó ná wa nǔ e wú é kpé lɛ́ é bǐ bo ná nyi alɔ nú mɛhuhu bo ma wá ɖu hun xɔ́ ó.—Ðɛ 51:14, nwt; kpɔ́n “Nǔ e nǔxatɔ́ lɛ́ kanbyɔ́ lɛ́ é” ɖo Atɔxwɛ juillet 2017 tɔn mɛ.
9. È ná jɛ mɛ lɛ́ ylɔ́ jí nú kú Klísu tɔn flínflín ɖo samedi 2 mars
(Cɛ́jú 5) Mɛxó agun tɔn ɖé wɛ ná xwlé xóɖiɖɔ élɔ́ mɛ. Tínmɛ tuto e è bló ɖo agun towe mɛ nú nǔjlájlá ɔ, xóɖiɖɔ bǔnɔ ɔ, kpó kú Klísu tɔn flínflín ɔ kpó é. Flín wɛnjlátɔ́ lɛ́ ɖɔ yě sixú nyí gběxosín-alijítɔ́ alɔgɔ́tɔ́ ɖo sun mars kpó avril kpó tɔn mɛ bo ná ná ganxixo 15.
10. Biblu kplɔ́nkplɔ́n agun tɔn
(Cɛ́jú 30) bt wět. 6 akpá. 9-17
