8-14 janvier
JƆBU 34-35
Han 30 kpó ɖɛ kpó | Kplé ɔ sín nu sísɔ́ ɖó te (Cɛ́jú 1)
1. Hwenu e é cí ɖɔ è ɖo nǔ agɔ wa xá mǐ wɛ é
(Cɛ́jú 10)
Flín ɖɔ Jexóva kún nɔ nɔ gǔdo nú nǔagɔwaxámɛ gbeɖé ó (Jɔb 34:10; wp19.1 8 akpá. 2)
É sixú cí ɖɔ mɛ nyanya lɛ́ nɔ wa nǔ agɔ cóbó ka nɔ se xɔxɔ tɔn ǎ ɖɔhun; amɔ̌, yě sixú hɔn hwlá dó Jexóva ǎ (Jɔb 34:21-26; w17.04 10 akpá. 5)
Ali ɖagbe hú gǎn e nu è ná d’alɔ mɛ e è wa nǔ agɔ xá lɛ́ é ɖe é wɛ nyí ɖɔ è ná kplɔ́n nǔ yě dó Jexóva wú (Jɔb 35:9, 10; Mt 28:19, 20; w21.05 7 akpá. 19-20)
2. Nǔ xɔ akwɛ́ Biblu tɔn lɛ́ biba
(Cɛ́jú 10)
Jɔb 35:7—Étɛ́ ɖɔ wɛ Elihu ka ɖe hwenu e é ɖɔ xó élɔ́ é: “Nǔ tɛ́ yí ɖo así towe wɛ [Mawu] ɖe?” (w17.04 29 akpá. 3)
Nǔ xɔ akwɛ́ tɛ́ lɛ́ a ka mɔ ɖo Biblu xixa aklúnɔzángbla élɔ́ tɔn mɛ?
3. Biblu xixa
(Cɛ́jú 4) Jɔb 35:1-16 (th nǔkpɔ́nnúmɛ 10)
4. Xóɖɔɖókpɔ́ ɖé bíbɛ́
(Cɛ́jú 3) SÍN XWÉ ÐÉ GBE JƐ XWÉ ÐÉ GBE. Xwlé Biblu kplɔ́nkplɔ́n mɛ ɔ. (lmd nǔkplɔ́nkplɔ́n 10 kɛ́n 3)
5. Xóɖɔɖókpɔ́ ɖé bíbɛ́
(Cɛ́jú 4) MAWUXÓÐIÐƆ HWENU E È MA ÐO KÚNNUÐEGBÉ Ǎ É. Xlɛ́ mɛ e ɖó vǐ kpɛví lɛ́ é lěe è sixú mɔ alɔdó nú mɛjitɔ́ lɛ́ ɖo jw.org jí gbɔn é. (lmd nǔkplɔ́nkplɔ́n 1, kɛ́n 4)
6. D’alɔ mɛ lɛ́ bónú yě ní húzú ahwanvú
Han 58
7. Akpakpa ka nɔ sɔ́ we nú a ná “nɔ jlá mawuxó ɔ” hwenu e a ma ɖo kúnnuɖegbé ǎ é a?
(Cɛ́jú 15) Xóɖɔɖókpɔ́.
Pɔ́lu dó wǔsyɛ́n lanmɛ nú Timɔtée ɖɔ: “Nɔ jlá mawuxó ɔ; ní nɔ myá nukún nú we.” (2Ti 4:2) È nɔ zán xógbe Glɛ̌kigbe tɔn e è tínmɛ dó “ní nɔ myá nukún nú we” é hweɖélɛ́nu ɖo ahwankpá lɛ́ mɛ dó dó gesí sɔ́ja alǒ mɛcɔ́tɔ́ e nɔ ɖo azɔ̌ tɔn jí, bo nɔ ɖo gbesisɔmɛ hwebǐnu bá wa azɔ̌ tɔn é ɖé. Xógbe ɔ tínmɛ jlǒ e mǐ nɔ ɖó bo nɔ ɖo ali e ná hun nú mǐ lɛ́ é bá wɛ hwebǐnu bá gbɔn xóɖɔɖókpɔ́ kpaa ɖé sín yɛkan mɛ bo ɖe kúnnu é ganjí.
Wǎn e mǐ yí nú Jexóva é kpó su e nǔ e é nɔ wa nú mǐ lɛ́ é bǐ nɔ su nukún mǐtɔn mɛ é kpó nɔ sísɛ́ mǐ, bɔ mǐ nɔ ɖɔ xó dó jijɔ ɖaaɖagbe tɔn lɛ́ wú nú mɛ ɖěvo lɛ́.
Ylɔ̌ kpléwátɔ́ lɛ́ ɖokpó nú é ní xa Ðɛhan 71:8. Énɛ́ gúdo hǔn, kan nǔ élɔ́ byɔ́:
Nǔ ɖagbe tɛ́ lɛ́ a ka tuun dó Jexóva wú bo ba ná má xá mɛ ɖěvo lɛ́?
Wǎn e mǐ yí nú mɛ lɛ́ é lɔ nɔ sísɛ́ mǐ bɔ mǐ nɔ ɖɔ mawuxó nú yě hwenu e mǐ ma ɖo kúnnuɖegbé ǎ é.
Xo VIDEO Lěe mɛ kanweko mɔ̌kpán mɔ nǔgbó Biblu tɔn gbɔn é ɔ. Énɛ́ gúdo hǔn, kan nǔ élɔ́ lɛ́ byɔ́ kpléwátɔ́ lɛ́:
Nɛ̌ mawuxó ɖiɖɔ hwenu e è ma ɖo kúnnuɖegbé ǎ é ka zɔ́n bɔ mɛ kanweko mɔ̌kpán mɔ nǔgbó Biblu tɔn gbɔn?
Nɛ̌ nǔgbó ɔ kplɔ́nkplɔ́n ka wa ɖagbe nú mɛ énɛ́ lɛ́ e ko nɔ sinsɛn ɖé mɛ ɖ’ayǐ lɛ́ é gbɔn?
Nɛ̌ wǎn yíyí nú mɛ ɖěvo lɛ́ ka nɔ sísɛ́ mǐ bɔ mǐ nɔ ɖɔ mawuxó hwenu e mǐ ma ɖo kúnnuɖegbé ǎ é gbɔn?
Étɛ́wú a ka lin ɖɔ mawuxóɖiɖɔ hwenu e mǐ ma ɖo kúnnuɖegbé ǎ é nyí ali ɖagbe e nu mǐ sixú d’alɔ mɛ ɖěvo lɛ́ bɔ yě ná tuun Jexóva ɖe é ɖé?
8. Biblu kplɔ́nkplɔ́n agun tɔn
(Cɛ́jú 30) bt wět. 4 gbǎví e ɖo wěxwɛ 33gɔ́ jí é
