20-26 janvier
ÐƐHAN 138-139
Han 93 kpó ɖɛ kpó | Kplé ɔ sín nu sísɔ́ ɖó te (Cɛ́jú 1)
1. Ma nú xɛsi zɔ́n nú a gɔn alɔ ɖó ɖo kplé lɛ́ mɛ ó
(Cɛ́jú 10)
Mǐ ba bo ná nɔ kpa susu nú Jexóva kpó ayi mǐtɔn bǐ kpó (Ðɛ 138:1)
Ényí alɔ ɖíɖó ɖo kplé lɛ́ mɛ nɔ hu ado nú we hǔn, gǎn jɛ alɔdó Jexóva tɔn wú (Ðɛ 138:3)
Xɛsi sixú nyí xlɛ̌ ɖagbe ɖé (Ðɛ 138:6; w19.01 10 akpá. 10)
WĚÐEXÁMƐ: Xósin kléwún kléwún lɛ́ níná sixú d’alɔ mǐ bɔ xɛsi ná ɖekpo.—w23.04 21 akpá. 7.
2. Nǔ xɔ akwɛ́ Biblu tɔn lɛ́ biba
(Cɛ́jú 10)
-
Ðɛ 139:21, 22: È ka nɔ ɖó nukún ɖo klisánwun lɛ́ sí ɖɔ yě ní nɔ sɔ́ hwɛ kɛ mɛ lɛ́ bǐ wɛ a? (it-2 490 akpá. 10)
-
Nǔ xɔ akwɛ́ tɛ́ lɛ́ a ka mɔ ɖo Biblu xixa aklúnɔzángbla élɔ́ tɔn mɛ?
3. Biblu xixa
(Cɛ́jú 4) Ðɛ 139:1-18 (th nǔkpɔ́nnúmɛ 2)
4. Xóɖɔɖókpɔ́ ɖé bíbɛ́
(Cɛ́jú 3) KÚNNUÐIÐE AGBAWUNGBA TƆN. (lmd nǔkplɔ́nkplɔ́n 2 kɛ́n 3)
5. D’alɔ mɛ lɛ́ bónú yě ní húzú ahwanvú
(Cɛ́jú 4) KÚNNUÐIÐE AGBAWUNGBA TƆN. Xwlé Biblu kplɔ́nkplɔ́n mɛ, bo xlɛ́ lěe é nɔ yi gbɔn é mɛ ɔ. (lmd nǔkplɔ́nkplɔ́n 10 kɛ́n 3)
6. Xóɖiɖɔ
(Cɛ́jú 5) ijwyp xóta 105. Xóta: Nɛ̌ un ka sixú ɖu ɖo winnyá kúkú jí gbɔn? (th nǔkpɔ́nnúmɛ 16)
Han 59
7. Winnyá ná bo nɔ hu we ɔ, a sixú ɖu vǐví sinsɛnzɔ́ towe tɔn
(Cɛ́jú 15) Xóɖɔɖókpɔ́.
A nɔ kú winnyá wɛ a? A nɔ ba ɖɔ mɛɖé ní ma nɔ ɖ’ayi émí wú ó wɛ a? Xó ɖiɖɔ nú mɛ ɖěvo lɛ́ ka nɔ dó xɛsi we wɛ a? Hweɖélɛ́nu ɔ xɛsiɖiɖi nɔ zɔ́n bɔ mǐ nɔ gɔn nǔ e mǐ nɔ ba ɖɔ mǐ ná ko wa é ɖé lɛ́ wa. É ɖo mɔ̌ có, mɛ e winnyá nɔ hu ɖ’ayǐ lɛ́ é gěgé kpé wú bo ɖɔ xó nú mɛ ɖěvo lɛ́ dó Biblu wú, bo tlɛ lɛ́ ɖu vǐví sinsɛnzɔ́ yětɔn tɔn. Étɛ́ kpɔ́ndéwú yětɔn ka sixú kplɔ́n mǐ?
Xo VIDEO Winnyá nɔ hu mì có, un nɔ wa nǔ e wú un kpé e bǐ ɔ. Énɛ́ gúdo hǔn, kan nǔ élɔ́ byɔ́ kpléwátɔ́ lɛ́:
-
Nɛ̌ nɔví nyɔ̌nu Lee ka ɖu wě e gǎn’ma tɔn ɖe xá ɛ bo ɖɔ “sɔ́ nǔ e a ɖó é bǐ dó sɛn Jexóva ná” é sín vǐví gbɔn?
Biblu ɖe xlɛ́ ɖɔ winnyá sixú ko nɔ hu Mɔyízi, Jelemíi kpó Timɔtée kpó. (Tí 3:11; 4:10; Jel 1:6-8; 1Ti 4:12) É ɖo mɔ̌ có, ɖó Jexóva ɖo kpɔ́ xá yě wútu ɔ yě kpé wú bo wa nǔ ɖaxó ɖaxó lɛ́ ɖo sinsɛnzɔ́ tɔn mɛ. (Tí 4:12; Jel 20:11; 2Ti 1:6-8)
Xa Ezayíi 43:1, 2. Énɛ́ gúdo hǔn, kan nǔ élɔ́ lɛ́ byɔ́ kpléwátɔ́ lɛ́:
-
Akpá tɛ́ Jexóva ka dó nú mɛsɛntɔ́ tɔn lɛ́?
Nɛ̌ Jexóva ka sixú d’alɔ mɛ ɖěɖěe winnyá nɔ hu lɛ́ é bɔ yě ná ɖu sinsɛnzɔ́ yětɔn sín vǐví ɖo égbé gbɔn?
Xo VIDEO Lěe batɛ́mu towe ná zɔ́n bɔ a ná ɖó awǎjijɛ hú gǎn gbɔn é: Kpɛví ɔ ɔ. Énɛ́ gúdo hǔn, kan nǔ élɔ́ lɛ́ byɔ́ kpléwátɔ́ lɛ́:
-
Nɛ̌ nɔví nyɔ̌nu Jackson ka mɔ hlɔ̌nhlɔ́n Jexóva tɔn kpó alɔdó tɔn kpó ɖo sinsɛnzɔ́ tɔn mɛ gbɔn?
-
Nɛ̌ sinsɛnzɔ́ ɔ ka sixú d’alɔ mɛ e nɔ kú winnyá é ɖé gbɔn?
8. Biblu kplɔ́nkplɔ́n agun tɔn
(Cɛ́jú 30) bt wět. 21 akpá. 8-13, gbǎví e ɖo wěx. 169 jí é
