27 janvier–2 février
ÐƐHAN 140-143
Han 44 kpó ɖɛ kpó | Kplé ɔ sín nu sísɔ́ ɖó te (Cɛ́jú 1)
1. Wa nǔ sɔgbe xá ɖɛ e a xo bo byɔ́ alɔdó é
(Cɛ́jú 10)
Ðo gbesisɔmɛ bá yí gbe nú wěɖexámɛ lɛ́ (Ðɛ 141:5; w22.02 12 akpá. 13-14)
Lin tamɛ dó nǔ e Jexóva wa dó hwlɛ́n togun tɔn wá yi lɛ́ é jí (Ðɛ 143:5; w10 15/3 32 akpá. 4)
Nɔ dó gǎn bo nɔ kpɔ́n nǔ lɛ́ lěe Jexóva nɔ kpɔ́n yě gbɔn é (Ðɛ 143:10; w15 15/3 32 akpá. 2)
Xógbe Ðɛhan 140-143 tɔn lɛ́ xlɛ́ ɖɔ é kún nyí ɖɛ kɛ́ɖɛ́ wɛ Davídi xo bo byɔ́ alɔdó ó, loɔ, é lɛ́ wa nǔ sɔgbe xá ɖɛ tɔn lɛ́.
2. Nǔ xɔ akwɛ́ Biblu tɔn lɛ́ biba
(Cɛ́jú 10)
-
Ðɛ 141:2: Nɛ̌ ɖɛ e mǐ nɔ xo kpó ayi bǐ kpó lɛ́ é ka nɔ cí nú Jexóva? (w22.03 21 akpá. 7)
-
Nǔ xɔ akwɛ́ tɛ́ lɛ́ a ka mɔ ɖo Biblu xixa aklúnɔzángbla élɔ́ tɔn mɛ?
3. Biblu xixa
(Cɛ́jú 4) Ðɛ 141:1-10 (th nǔkpɔ́nnúmɛ 12)
4. Xóɖɔɖókpɔ́ ɖé bíbɛ́
(Cɛ́jú 4) MAWUXÓÐIÐƆ HWENU E È ÐO NǓ ÐĚVO LƐ́ WA WƐ É. D’alɔ mɛ ɔ ɖo ali tawun ɖé nú, énɛ́ gúdo hǔn, jɛ xó ɖɔ dó xóta Biblu tɔn ɖé wú jí xá ɛ. (lmd nǔkplɔ́nkplɔ́n 3 kɛ́n 5)
5. D’afɔ nú jlǒ e mɛ ɔ ɖó é
(Cɛ́jú 3) KÚNNUÐIÐE AGBAWUNGBA TƆN. Mɛ ɔ ɖɔ nú we ɖɔ alɔnu émítɔn ján. (lmd nǔkplɔ́nkplɔ́n 7 kɛ́n 3)
6. Tínmɛ nǔ e a ɖi nǔ ná lɛ́ é
(Cɛ́jú 5) Wǎzéxlɛ́. Ijwfq xóta 21. Xóta: Étɛ́wú Kúnnuɖetɔ́ Jexóva tɔn lɛ́ ma ka nɔ dó hun ǎ? (th nǔkpɔ́nnúmɛ 7)
Han 141
7. Sɔ́ nǔ ɖ’ayǐ nú ninɔmɛ ɖěɖěe nɔ byɔ́ ɖɔ è ní kpé nukún dó mɛ wú, alǒ w’azɔ̌ nú mɛ ɖo dotóoxwé lɛ́ é
(Cɛ́jú 15) Xóɖɔɖókpɔ́.
Jexóva d’akpá ɖɔ ‘ɖo adǎngbomɛ hwenu ɔ, è kún ná ba émí kpo ɖo gǔdo gbeɖé ó.’ (Ðɛ 46:2) Ninɔmɛ e nɔ byɔ́ ɖɔ è ní kpé nukún dó mɛ wú, alǒ w’azɔ̌ nú mɛ ɖo dotóoxwé lɛ́ é sixú nɔ dó adohu nú mɛ hwɛhwɛ. É ɖo mɔ̌ có, Jexóva nɔ ná nǔ e sín hudó mǐ ɖó bá sɔ́ nǔ ɖ’ayǐ nú ninɔmɛ mɔ̌hun lɛ́ é bǐ mǐ. Ði kpɔ́ndéwú ɔ, tutoblónúnǔ tɔn sɔ́ nǔ nú káti Instructions médicales / Désignation d’une personne de confiance (DPA), káti Document d’identité médical (ic), a gɔ́ nú wěma e nɔ ɖɔ nǔ dó dotóoxwéxó wú é ɖěvo lɛ́, b káká jɛ Wěɖegbɛ́ e nɔ kpé nukún dó dotóoxwéxó lɛ́ wú lɛ́ é (WKND) jí. Wěma énɛ́ lɛ́ kpó WKND lɛ́ kpó nɔ d’alɔ mǐ bɔ mǐ nɔ setónú nú sɛ́n e Mawu do dó hun wú é.—Mɛ 15:28, 29.
Xo VIDEO A ka ko sɔ́ nǔ ɖ’ayǐ nú ninɔmɛ e nɔ byɔ́ ɖɔ è ní kpé nukún dó mɛ wú ɖo dotóoxwé lɛ́ é a? ɔ. Énɛ́ gúdo hǔn, kan nǔ élɔ́ lɛ́ byɔ́ kpléwátɔ́ lɛ́:
-
Nɛ̌ alɔ dídó káti DPA mɛ ka ko hɛn le wa nú mɛɖé lɛ́ gbɔn?
-
Nɛ̌ wěma Nǔflínmɛ ɖé lɛ́ nú nyɔ̌nu e ɖo xo lɛ́ é (S-401) ka hɛn le wá nú mɛ ɖé lɛ́ gbɔn?
-
Étɛ́wú é ka nyɔ́ ɖɔ è ní yá wǔ ylɔ́ WKND lěe é nyɔ́ bló gbɔn é hwenu e é byɔ́ ɖɔ è ní glɔ́n mɛ ɖó dotóoxwé, w’azɔ̌ nú mɛ, alǒ kpé nukún dó mɛ wú ɖo dotóoxwé é, é sixú nyí nukún kpíkpé dó kansɛ́ɛzɔn ɖé wú mɔ̌, káká jɛ ninɔmɛ e ma tlɛ byɔ́ ɖɔ é ní dó hun nú mɛ ǎ lɛ́ é jí?
8. Biblu kplɔ́nkplɔ́n agun tɔn
(Cɛ́jú 30) bt wět. 21 akpá. 14-22
Tasúnáxó lɛ́ (Cɛ́jú 3) | kpó ɖɛ kpó
a Wɛnjlátɔ́ lɛ́ sixú byɔ́ káti DPA ɖokpó nú yěɖésúnɔ, alǒ káti Document d’identité médical nú vǐ yětɔn kpɛví lɛ́ ɖo mɛ e nɔ kpé nukún dó wěma lɛ́ wú é gɔ́n.
b Wɛnjlátɔ́ lɛ́ sixú yí Nǔflínmɛ ɖé lɛ́ nú nyɔ̌nu e ɖo xo lɛ́ é (S-401), Nǔflínmɛ ɖé lɛ́ nú azinzɔnnɔ e dotóo lɛ́ ɖó ná zɛ alǒ nú mɛ è ná bló chimiothérapie ná lɛ́ é (S-407), kpó Lěe mɛjitɔ́ lɛ́ sixú cyɔ́n alɔ vǐ yětɔn lɛ́ jí sín hun zínzán ɖo ali e ma sɔgbe ǎ é nu sí gbɔn é (S-55) kpó ɖo mɛxó agun tɔn lɛ́ sí hwenu e yě ná ɖó hudó tɔn é.
