ZĚ HWIÐÉE BǏ JÓ NÚ MAWUXÓÐIÐƆZƆ́ Ɔ | BLǑ BONU AWǍJIJƐ TOWE NI JƐJI ÐÒ SINSƐNZƆ́ Ɔ MƐ
Nǔ Xó ɔ Ni Nɔ Byɔ Ayi Mɛ nú Mɛ
Ayi mɛ wɛ tónúsíse nú Mawu nɔ gosin. (Nǔx 3:1) Enɛ wu ɔ, mǐ ɖó na nɔ tɛ́n kpɔ́n bɔ nǔ e kplɔ́n tóɖómǐtɔ́ lɛ wɛ mǐ ɖè lɛ é na nɔ byɔ ayi mɛ nú ye. Gbɔn nɛ é?
Ma nɔ kplɔ́n nǔgbo Biblu tɔn lɛ nǔkplɔntɔ́ towe kpowun ó, é nyɔ́ wà ɔ, nɔ d’alɔ ɛ nú é ni nɔ mɔ lee ye sixu wà ɖagbe nú gbɛzán tɔn kpo kancica e é ɖó xá Jehovah é kpo gbɔn é. D’alɔ ɛ nú é ni nɔ mɔ lee nǔgbododó Biblu tɔn lɛ nɔ ɖè wanyiyi Mawu tɔn, xomɛnyínyɔ́ tɔn kpo nǔjlɔjlɔwiwa tɔn kpo xlɛ́ gbɔn é. Kpo nǔnywɛ kpo ɔ, nɔ zán nǔkanbyɔ lɛ dó d’alɔ ɛ nú é ni nɔ ɖɔ lee nǔ cí n’i dó nǔ e kplɔ́n wɛ é ɖè é wu é. D’alɔ ɛ nú é ni lin tamɛ bo kpɔ́n lee gbɛ̀ tɔn na kpɔ́n te d’eji gbɔn hwenu é huzu jijɔ nyanya ɖé é. Enyi a mɔ bɔ nǔkplɔntɔ́ towe yí wǎn nú Jehovah kpo ayi tɔn bǐ kpo ɔ, awǎjijɛ towe na jɛji.
KPƆ́N VIDEO MƆ AWǍJIJƐ ÐÒ NǓ KPLƆNKPLƆN MƐ LƐ BONU YE NA HUZU AHWANVU SÍN AZƆ̌ Ɔ MƐ: BLǑ BONU NǓWUKPÍKPÉ TOWE LƐ NI KPƆ́N TE: NǓ XÓ Ɔ NI NƆ BYƆ AYI MƐ NÚ MƐ Ɔ, ENƐ GUDO HǓN, NǍ XÓSIN NÚ NǓKANBYƆ ELƆ LƐ:
-
Etɛwu Ana ka kan nǔ elɔ byɔ Jaké: “A ka lɛ́ lin tamɛ dó nǔ e jí mǐ ɖɔ xó dó lundi é jí à?”
-
Nɛ̌ Ana ka d’alɔ Jaké bɔ é mɔ lee nǔgbododó Biblu tɔn lɛ nɔ xlɛ́ ɖɔ Jehovah yí wǎn n’i gbɔn?
-
Enyi nǔ e kplɔ́n Biblu kplɔntɔ́ mǐtɔn wɛ mǐ ɖè é nɔ byɔ ayi mɛ n’i ɔ, enɛ na zɔ́n bɔ é na yì nukɔn ɖò gbigbɔ lixo
Nɛ̌ Ana ka d’alɔ Jaké bɔ é lin tamɛ dó lee é sixu ɖexlɛ́ Mawu ɖɔ emi yí wǎn n’i gbɔn é jí?
