É nɔ byɔ́ ɖɔ è ní ɖó nǔɖiɖi cóbá sɛ tɛn sín fí e ko má mɛ é ɖé yi fí yɔ̌yɔ́ ɖé bá dó vlɔ́n kan nú sinsɛnzɔ́ mɛtɔn. (Eb 11:8-10) Ényí a ɖo linlin wɛ bó ná sɛ tɛn yi fí e hudó sukpɔ́ ɖe é hǔn, ɖɔ nú mɛxó agun tɔn to- we lɛ́. Afɔ tawun tawun tɛ́ lɛ́ a ka sixú ɖe bá dó tuun nú a sixú jɛ nǔ e gbé nya wɛ a ɖe é kɔn, bó lɛ́ sɔ́ fí e a ná nɔ é? Kpɔ́n nǔ ɖěɖěe wěma mǐtɔn lɛ́ ɖɔ dó sinsɛnzɔ́ wiwa ɖo fí e hudó sukpɔ́ ɖe lɛ́ é wú lɛ́ é. Ðɔ xó xá mɛ e ko sɛ tɛn yi agun ɖěvo mɛ bá dó d’alɔ, b’ɛ kpa yě lɛ́ é. (Nǔx 15:22) Ba alixlɛ́mɛ Jehovah tɔn ɖo ɖɛ mɛ. (Ja 1:5) Ba do nú nǔ dó fí e a jló ná yi é wú, bónú é nyɔ́ bló hǔn, yi zán táan kléwún ɖé ɖo fí ɔ hwɛ̌ cóbó wá gbeta towe kɔn.

KPƆ́N VIDEO GBƆN ALI E NƆ KPLÁ MƐ BƆ È NƆ WA NǓÐIÐI SÍN NǓ É: SƐ TƐN YI FÍ E HUDÓ SUKPƆ́ ÐE É Ɔ, ÉNƐ́ GÚDO HǓN, NǍ XÓSIN NÚ NǓKANBYƆ́ ÉLƆ́ LƐ́:

• Hǔzúhúzú tɛ́ lɛ́ é ka byɔ́ ɖɔ Gabriel ní bló? Étɛ́ ka d’alɔ ɛ?