Hwenu e Salomɔ́ɔ sɔ́ tɛ́npli ɔ d’alɔ mɛ nú Jehovah é ɔ, é xo ɖɛ kpó ayi tɔn bǐ kpó ɖo togun ɔ nukɔn (1Ax 8:22; w09 15/11 9 akpá. 9-10)

Salomɔ́ɔ kpa susu nú Jehovah bó dɔn ayi wá éɖée jí ǎ (1Ax 8:23, 24)

Salomɔ́ɔ xo ɖɛ kpó mɛɖéesɔ́hwe kpó (1Ax 8:27; w99 15/1 17 akpá. 7-8)

Salomɔ́ɔ sɔ́ kpɔ́ndéwú ɖɛxixo tɔn ɖagbe ɖé ɖ’ayǐ nú mǐ, ɖo tají ɔ, nú mɛ ɖěɖěe nɔ xo ɖɛ dó mɛ ɖěvo lɛ́ takúnmɛ ɖo agbawungba lɛ́ é. Mǐ ɖó ná nɔ sɔ́ ayi dó lěe ɖɛ mǐtɔn nɔ cí nú Jehovah é jí hú gǎn lěe é nɔ cí nú tóɖómǐtɔ́ lɛ́ é.