Jexóva nɔ jló ɖɔ xwédo lɛ́ ní ɖó awǎjijɛ. (Ðɛ 127:3-5; Nǔt 9:9; 11:9) É ɖo mɔ̌ có, gbɛ mɛ tagba lɛ́ kpó nǔwanyido mɛ e ɖo xwédo ɔ mɛ lɛ́ é tɔn lɛ́ kpó sixú zɔ́n bɔ mǐ ba awǎjijɛ kpo. Étɛ́ mɛ e ɖo xwédo ɔ mɛ lɛ́ é ɖokpó ɖokpó ka sixú wa dó gɔ́ so nú awǎjijɛ xwédo ɔ tɔn?

Asú ɖé nɔ wlí yɛ̌yi nú asi tɔn. (1Pi 3:7) É nɔ zán hwenu ɖó kpɔ́ xa ɛ. É nɔ nɔ jlɛ̌ jí ɖo nǔ e é nɔ ɖó nukún ɖo asi tɔn sí lɛ́ é mɛ, bo nɔ ɖe xlɛ́ ɛ ɖɔ nǔ e é nɔ wa dó émí kpó xwédo ɔ kpó takúnmɛ lɛ́ é nɔ su nukún émítɔn mɛ. (Ko 3:15) É nɔ ɖɔ nú asi tɔn ɖɔ émí yí wǎn n’i bo nɔ lɛ́ kpa ɛ.—Nǔx 31:28, 31.

Asi ɖé nɔ ba ali e nu é ná nɔ gǔdo nú asú tɔn ɖe lɛ́ é. (Nǔx 31:12) É nɔ hwíhwɛ́ éɖée dó asú tɔn glɔ́ bo nɔ wa nǔ ɖó kpɔ́ xá ɛ. (Ko 3:18) É nɔ ɖɔ xó n’i kpó xomɛnyínyɔ́ kpó bo nɔ lɛ́ ɖɔ xó tɔn ɖagbe.—Nǔx 31:26.

Mɛjitɔ́ lɛ́ nɔ zán hwenu ɖó kpɔ́ xá vǐ yětɔn lɛ́. (Sɛ́ 6:6, 7) Yě nɔ ɖɔ nú vǐ yětɔn lɛ́ ɖɔ émí yí wǎn nú yě. (Mt 3:17) Ényí yě ɖo nǔ gbɛ̌ nú vǐ yětɔn lɛ́ wɛ ɔ, yě nɔ wa mɔ̌ kpó wǎnyíyí kpó, kpó nǔtuuntuun kpó.—Efɛ́ 6:4.

Vǐ lɛ́ nɔ wlí yɛ̌yi nú mɛjitɔ́ yětɔn lɛ́ bo nɔ lɛ́ se tónú nú yě. (Nǔx 23:22) Yě nɔ ɖɔ linlin yětɔn lɛ́ kpó lěe nǔ nɔ cí nú yě é kpó nú mɛjitɔ́ yětɔn lɛ́. Yě nɔ yí gbe nú nǔgbɛ́númɛ mɛjitɔ́ yětɔn lɛ́ tɔn bo nɔ lɛ́ ɖó sísí nú yě.—Nǔx 19:20.

KPƆ́N NǓKPÍNKPƆ́N-DÓ-KPLƆ́N-NǓ SƆ́ NǓ NÚ AWǍJIJƐ ÐO XWÉDO TOWE MƐ Ɔ, ÉNƐ́ GÚDO HǓN, NǍ XÓSIN NÚ NǓKANBYƆ́ ÉLƆ́:

• Étɛ́ mɛ e ɖo xwédo ɔ mɛ lɛ́ é ɖokpó ɖokpó ka wa dó gɔ́ so nú awǎjijɛ ɖo xwédo ɔ mɛ?