KLISÁNWUN GBƐ ZÍNZÁN
‘Hunjijɛ dó wɛn ɖagbe ɔ jí, bo lɛ́ ɖó ayǐ’ ɖo sɛ́n linu
Hwenu e gbeklánxámɛtɔ́ lɛ́ tɛ́n kpɔ́n bá ɖó Izlayɛ́li ví lɛ́ te bónú yě ná gɔn tɛ́npli ɔ vɔ́ gbá é ɔ, mɛ e ɖo xɔ ɔ gbá wɛ lɛ́ é wa nǔ e ɖo dandan lɛ́ é bo ɖó acɛ ɖo sɛ́n linu lobo wa xɔgbígbázɔ́ ɔ. (Ɛsd 5:11-16) Ali ɖokpó ɔ nu ɖo égbé ɔ, klisánwun lɛ́ nɔ wa nǔ e ɖo dandan lɛ́ é bo nɔ jɛ hun dó wɛn ɖagbe ɔ jí, lobo nɔ ɖó ayǐ ɖo sɛ́n linu. (Flp 1:7) Bo ná dó kpé énɛ́ wú ɔ, è sɔ́ nǔ nú zɔ̌xɔsá e nɔ ɖɔ nǔ dó sɛ́n linu é ɖo hɔ̌nkan gbɛ ɔ tɔn mǐtɔn ɖo 1936. Égbé ɔ, azɔ̌xɔsá e nɔ ɖɔ nǔ dó sɛ́n linu ɖo hɔ̌nkan gbɛ ɔ tɔn mǐtɔn é nɔ bló tito lěe è ná jɛ hun dó nukɔnyiyi nǔ Axɔ́súɖuto ɔ tɔn lɛ́ tɔn jí gbɔn é tɔn gbɔn gbɛ ɔ bǐ mɛ. Nɛ̌ azɔ̌xɔsá énɛ́ ka d’alɔ ɖo nukɔnyiyi nǔ Axɔ́súɖuto ɔ tɔn lɛ́ tɔn mɛ gbɔn? Nɛ̌ é ka ko hɛn le wá nú togun Mawu tɔn gbɔn?
KPƆ́N VIDEO SAÐIÐI YI AZƆ̌XƆSÁ E NƆ ÐƆ NǓ DÓ SƐ́N LINU ÐO HƆ̌NKAN GBƐ Ɔ TƆN MǏTƆN É Ɔ, ÉNƐ́ GÚDO HǓN, NǍ XÓSIN NÚ NǓKANBYƆ́ ÉLƆ́ LƐ́:
-
Tagba tɛ́ lɛ́ Kúnnuɖetɔ́ Jexóva tɔn lɛ́ ka ko mɔ ɖo sɛ́n linu?
-
Ðuɖéjí tɛ́ lɛ́ mǐ ka ko ɖó ɖo sɛ́n linu? Nǎ kpɔ́ndéwú ɖokpó
-
Étɛ́ ɖokpó ɖokpó mǐtɔn ka sixú wa bo ná jɛ hun “dó wɛn ɖagbe ɔ jí, bo lɛ́ ɖó ayǐ” ɖo sɛ́n linu?
-
Fítɛ́ mǐ ka sixú yi ɖo tɛn Ɛntɛnɛ́ti tɔn mǐtɔn jí bo ná mɔ nǔ e kan nukɔnyiyi e tíin ɖo sɛ́n linu bo kan togun Mawu tɔn lɛ́ é, kpó Kúnnuɖetɔ́ Jexóva tɔn e è wlí dó ganmɛ ɖó nǔɖiɖi yětɔn wú lɛ́ é sín nyǐkɔ lɛ́ kpó?
