Wanyiyi wɛ nyí kan e nɔ dɔn xwédo ɖé ɖó bǔ é. Wanyiyi mɛvo ɔ, é na vɛwǔ nú xwédo ɖé sín mɛ lɛ bɔ ye na nɔ bǔ, bo lɛ́ wà nǔ ɖó kpɔ́. Nɛ̌ asú lɛ, asì lɛ, kpo mɛjitɔ́ lɛ kpo ka sixu nɔ ɖè wanyiyi xlɛ́ ɖò xwédo mɛ gbɔn?

Asú wanyiyinɔ ɖé nɔ sú asì tɔn sín hudo lɛ sín dò, nɔ ɖótó linlin tɔn, bo nɔ lɛ́ mɔ nǔ jɛ lee nǔ nɔ cí n’i é wu. (Efɛ 5:28, 29) É nɔ sú hudo agbaza tɔn kpo gbigbɔ tɔn kpo xwédo tɔn tɔn sín dò, bɔ nɔ lɛ́ bló Sinsɛn-Biblo Xwédo tɔn ɖò gbesisɔmɛ. (1Ti 5:8) Asì wanyiyinɔ ɖé nɔ hwíhwɛ́ éɖée dó asú tɔn glɔ́, bo nɔ ɖó “sísí” e gɔ́ngɔ́n é n’i. (Efɛ 5:22, 33; 1Pi 3:1-6) Asú kpo asì kpo lɛ ɖó na nɔ ɖò gbesisɔmɛ bo na nɔ sɔ́ hwɛ kɛ yeɖée lɛ faa. (Efɛ 4:32) Mɛjitɔ́ wanyiyinɔ lɛ nɔ ɖexlɛ́ vǐ yetɔn lɛ ɖɔ nǔ ye mɛ ɖokpo ɖokpo tɔn nɔ ɖu ayi mɛ nú emi, bo nɔ lɛ́ kplɔ́n ye bɔ ye nɔ yí wǎn nú Jehovah. (Sɛ́ 6:6, 7; Efɛ 6:4) Tagba tɛ lɛ ka nɔ kpannukɔn vǐ yetɔn lɛ ɖò wemaxɔmɛ? Nɛ̌ ye ka ɖò xwi ɖí xá kɔgbidínúmɛ wemaxɔmɛvígbɛ́ yetɔn lɛ tɔn wɛ gbɔn? Enyi wanyiyi sukpɔ́ ɖò xwédo ɖé mɛ ɔ, mɛ e ɖò xwédo ɔ mɛ lɛ é bǐ nɔ vo bo nɔ nɔ ayijayǐ mɛ.

KPƆ́N VIDEO NƆ ÐÈ WANYIYI E MA NA VƆ Ǎ É XLƐ́ ÐÒ XWÉDO TOWE MƐ Ɔ, ENƐ GUDO HǓN, NǍ XÓSIN NÚ NǓKANBYƆ ELƆ LƐ:

• Nɛ̌ asú wanyiyinɔ ɖé ka nɔ na nǔɖuɖu asì tɔn bo nɔ lɛ́ wlí yɛ̌yi n’i gbɔn?

• Nɛ̌ asì wanyiyinɔ ɖé ka nɔ ɖó sísí e gɔ́ngɔ́n é nú asú tɔn gbɔn?

• Nɛ̌ mɛjitɔ́ wanyiyinɔ lɛ ka nɔ kplɔ́n Xó Mawu tɔn vǐ yetɔn lɛ gbɔn?