ZĚ HWIÐÉE BǏ JÓ NÚ MAWUXÓÐIÐƆZƆ́ Ɔ | BLǑ BONU AWǍJIJƐ TOWE NI JƐJI ÐÒ SINSƐNZƆ́ Ɔ MƐ
Nɔ Zán Nǔjlɛdonǔwu lɛ Dó Kplɔ́n Nǔ Taji lɛ Mɛ
Enyi mǐ ɖò mɛbakpɔ́n lɛ bló wɛ, alǒ ɖò nǔ kplɔ́n xá Biblu kplɔntɔ́ mǐtɔn lɛ wɛ ɔ, mǐ ɖó na nɔ d’alɔ ye bɔ ye na nɔ mɔ nǔ jɛ nǔ taji lɛ mɛ. Enyi mǐ nɔ zán nǔjlɛdonǔwu lɛ dó tinmɛ nǔ enɛ lɛ nú ye ɔ, xó mǐtɔn sixu byɔ ayi mɛ nú ye bɔ ye na lɛ́ flín nǔ e mǐ kplɔ́n ye lɛ é.
Enyi a ɖò nǔ sɔ́ nú mɛbakpɔ́n ɖé wɛ hǔn, nɔ sɔ́ kɛ́n nǔ taji e a jló na tinmɛ lɛ é tɔn, ma nɔ sɔ́ kɛ́n nǔ klewun klewun lɛ tɔn ó. Enɛ gudo hǔn, sɔ́ nǔjlɛdonǔwu e junjɔn gbɛzinzan gbè bǐ gbé tɔn jí lɛ é. (Mt 5:14-16; Mk 2:21; Lk 14:7-11) Tɛ́n kpɔ́n bo hɛn ninɔmɛ nǔkplɔntɔ́ towe tɔn kpo azɔ̌ e é nɔ wà lɛ é kpo ayi mɛ. (Lk 5:2-11; Jn 4:7-15) Enyi a mɔ ɖɔ é j’awǎ ɖó é mɔ nukúnnú jɛ nǔɖe mɛ wutu ɔ, hwi lɔ na j’awǎ.
KPƆ́N VIDEO MƆ AWǍJIJƐ ÐÒ NǓ KPLƆNKPLƆN MƐ LƐ BONU YE NA HUZU AHWANVU SÍN AZƆ̌ Ɔ MƐ: BLǑ BONU NǓWUKPÍKPÉ TOWE LƐ NI KPƆ́N TE: NƆ ZÁN NǓJLƐDONǓWU LƐ DÓ KPLƆ́N NǓ TAJI LƐ MƐ Ɔ, ENƐ GUDO HǓN, NǍ XÓSIN NÚ NǓKANBYƆ ELƆ LƐ:
-
Etɛwu nǔkplɔntɔ́ lɛ ka sixu ɖó hudo alɔdó tɔn cobá mɔ nǔ jɛ wemafɔ Biblu tɔn lɛ mɛ?
-
Nɛ̌ Ana ka zán nǔjlɛdonǔwu ɖé dó tinmɛ nǔgbo e ɖò Hlɔmanu lɛ 5:12 mɛ é gbɔn?
-
Nǔjlɛdonǔwu ɖagbe lɛ nɔ byɔ ayi mɛ
Enyi mǐ zán nǔjlɛdonǔwu ɖagbe lɛ ɔ, nɛ̌ ye ka sixu d’alɔ tóɖómǐtɔ́ lɛ gbɔn?
-
Aniwu mǐ ka ɖó na nɔ zán video lɛ kpo azɔ̌wanú mɛkplɔnkplɔn tɔn ɖevo e tutoblonunu Jehovah tɔn sɔnǔ na lɛ é kpo ɖò sinsɛnzɔ́ mǐtɔn mɛ?
