Klisanwun lɛ bǐ wɛ ɖó na nɔ ɖu ɖò yeɖée jí ɖò ahan syɛnsyɛn nunu kɔn. (Nǔx 23:20, 29-35; 1Kɔ 6:9, 10) Enyi Klisanwun ɖé wá gbeta ɔ kɔn bo na nu ahan syɛnsyɛn ɔ, é ɖó na wà mɔ̌ kpo jlɛ̌jininɔ kpo. É ɖó na lɛ́ nyi alɔ nú kannumɔ huzuhuzu nú ahan syɛnsyɛn nunu kpo afɔklɛ́nnú nyinyi nú mɛ ɖevo lɛ kpo. (1Kɔ 10:23, 24; 1Ti 5:23) É ɖò wɛn ɖɔ è kún ɖó na hɛn mɛ ɖebǔ gannugánnú, ɖò taji ɔ, mɛ winnyawinnya lɛ ɖɔ ye ni nu ahan syɛnsyɛn ó.

KPƆ́N ÐIÐE CICAVÍ TƆN KPƆ́N NǓ ZƐ AHAN Ɔ WU Ɔ, ENƐ GUDO HǓN, NǍ XÓSIN NÚ NǓKANBYƆ ELƆ LƐ:

• Etɛwu Klisanwun lɛ bǐ ka ɖó na nɔ setónú nú sɛ́n e ɖɔ xó dó ahan syɛnsyɛn nunu wu é?—Hlɔ 13:1-4

• Etɛwu mǐ ma ka ɖó na jó mǐɖée dó nú mɛ ɖevo lɛ na gbidí kɔ nú mǐ nú mǐ ni nu ahan syɛnsyɛn ǎ?—Hlɔ 6:16

• Nɛ̌ mǐ ka sixu nyi alɔ nú ninɔmɛ syɛnsyɛn e na zɔ́n bɔ mǐ na nu ahan syɛnsyɛn lɛ é gbɔn?