ZĚ HWIÐÉE BǏ JÓ NÚ MAWUXÓÐIÐƆZƆ́ Ɔ | BLǑ BONU AWǍJIJƐ TOWE NI JƐJI ÐÒ SINSƐNZƆ́ Ɔ MƐ
Nɔ Kplɔ́n Nǔ Mɛ kpo Akpakpa Sɔ́ Mɛ Kpo
Enyi mǐ ɖɔ xó kpo akpakpa sɔ́ mɛ kpo ɔ, akpakpa na sɔ́ mɛ e ɖò tó ɖó mǐ wɛ lɛ é lɔ. É nɔ lɛ́ xlɛ́ ɖɔ wɛn mǐtɔn xɔ akwɛ nú mǐ. Mǐ na bo gosin aca ɖebǔ mɛ alǒ nyí mɛ alɔkpa ɖebǔ ɔ, mǐ hɛn ɔ, mǐ na nɔ dó akpakpa lanmɛ nú mɛ. (Hlɔ 12:11) Gbɔn nɛ̌ é?
Nukɔntɔn ɔ, nɔ lin tamɛ dó lee wɛn towe ɖò taji sɔ é jí. È jɔwǔ we bɔ a nɔ “jlá wɛnɖagbe nǔ ɖagbe lɛ tɔn!” (Hlɔ 10:15, nwt) Wegɔ́ ɔ, nɔ lin tamɛ dó ɖagbe e wɛnɖagbe ɔ nɔ wà nú tóɖówetɔ́ lɛ é jí. Ye ɖó hudo nǔ e a jló na ɖɔ é tɔn tawun bo na sè. (Hlɔ 10:13, 14) Gudo tɔn ɔ, nɔ ɖɔ xó kpo akpakpa sɔ́ mɛ kpo, nɔ zán alɔ, wǔtu, afɔ, kpo nukúnmɛ sín xlɛ̌ lɛ kpo.
KPƆ́N VIDEO MƆ AWǍJIJƐ ÐÒ NǓ KPLƆNKPLƆN MƐ LƐ BONU YE NA HUZU AHWANVU SÍN AZƆ̌ Ɔ MƐ: BLǑ BONU NǓWUKPÍKPÉ TOWE LƐ NI KPƆ́N TE: NƆ KPLƆ́N NǓ MƐ KPO AKPAKPA SƆ́ MƐ KPO Ɔ, ENƐ GUDO HǓN, NǍ XÓSIN NÚ NǓKANBYƆ ELƆ LƐ:
-
Etɛwu akpakpa e nɔ sɔ́ Ana dó Biblu kplɔnkplɔn xá Jaké wu é ka ɖekpo?
-
Etɛ ka d’alɔ Ana bɔ akpakpa lɛ́ jɛ sísɔ́ ɛ jí?
-
Enyi akpakpa nɔ sɔ́ mǐ ɔ, enɛ na zɔ́n bɔ akpakpa na sɔ́ mɛ ɖevo lɛ lɔmɔ̌
Etɛwu mǐ ka ɖó na nɔ sɔ́ ayi ɖó jijɔ ɖagbe tóɖómǐtɔ́ lɛ tɔn jí hugǎn?
-
Enyi akpakpa nɔ sɔ́ mǐ ɔ, ɖagbe tɛ é ka sixu wá nú Biblu kplɔntɔ́ mǐtɔn lɛ kpo mɛ ɖevo lɛ kpo?
