Ðó gbɛtɔ́ hwɛhutɔ́ lɛ́ wɛ mǐ nyí wútu ɔ, mǐ ɖó ná kpo ɖo gǎn dó wɛ bó ná dó ɖó acɛ dó jlǒ mǐtɔn lɛ́ jí. Ényí mǐ nɔ wa nǔ e nɔ jló mǐ lɛ́ é kpowun ɔ, nǔ mǐtɔn sɔ́ ná nyɔ́ Jehovah nukúnmɛ ǎ. Ði kpɔ́ndéwú ɔ, mɛɖé lɛ́ yí wǎn nú nǔɖuɖu, avɔ, kpó xwé kpó hú gán wǎn e yě yí nú Mawu é. Mɛ ɖěvo lɛ́ nɔ gbɔ jlǒ xóɖóxámɛ tɔn yětɔn lɛ́ ɖo ali e ma sɔgbe xá nǔgbódodó Mawu tɔn ǎ lɛ́ é nu. (Hlɔ̌ 1:26, 27) Bɔ mɛɖé lɛ́ nɔ jó mɛ ɖěvo lɛ́ dó bɔ yě nɔ gbídí kɔ nú yě bɔ yě nɔ wa nǔ e ma sɔgbe ǎ é ɖó yě ba ɖɔ nǔ yětɔn ní nyɔ́ mɛ énɛ́ lɛ́ nukúnmɛ wútu.—Tí 23:2.

Nɛ̌ mǐ ka sixú nɔ ɖu ɖo jlǒ mǐtɔn lɛ́ jí gbɔn? Mǐ ɖó ná nɔ wa nǔ e wú mǐ kpé é bǐ bó ná nɔ sɔ́ ayi ɖó nǔ e nɔ nyɔ́ Jehovah nukúnmɛ lɛ́ é jí. (Mt 4:4) Gɔ́ ná ɔ, mǐ ɖó ná nɔ sa vo nú Jehovah ɖɔ é ní d’alɔ mǐ bónú mǐ ní nɔ ɖu ɖo jlǒ mǐtɔn lɛ́ jí. Étɛ́wú? Ðó é tuun nǔ e nyɔ́ nú mǐ hú gǎn é kpó lěe é ná gbɔ jlǒ mǐtɔn lɛ́ nú mǐ gbɔn é kpó.—Ðɛ 145:16.

KPƆ́N VIDEO MA JÓ AZƆ DÓ NÚ É HƐN GBƐ TOWE GBLÉ Ó Ɔ, ÉNƐ́ GÚDO HǓN, NǍ XÓSIN NÚ NǓKANBYƆ́ ÉLƆ́ LƐ́:

• Étɛ́wú mɛɖé lɛ́ ka nɔ nu azɔ?

• Étɛ́ lɛ́ azɔ nunu ka sixú wa nú we?

• Étɛ́wú azɔ kpaa kpó kuláannɔ kpó nunu ka nylá?—2Kɔ 7:1

• Ényí mɛɖé xwlé azɔ nunu we ɔ, nɛ̌ a ka sixú gbɛ́ gbɔn? Nɛ̌ a tlɛ sixú ɖó nunu tɔn te gbɔn?