‘Nǔ nɔ víví nú Jexóva ɖo togun tɔn mɛ.’ (Ðɛ 149:4) Mǐ nyí hwɛhutɔ́ có, Jexóva nɔ ɖ’ayi jijɔ ɖagbe e mǐ ɖó lɛ́ é kpó nǔ e mǐ sixú wá wa lɛ́ é kpó wú. É ɖo mɔ̌ có, hweɖélɛ́nu ɔ, é sixú vɛ́ wǔ nú mǐɖésúnɔ bɔ mǐ ná ɖ’ayi jijɔ ɖagbe e mǐ ɖó lɛ́ é wú. Lěe mɛ ɖěvo lɛ́ nɔ wa nǔ xá mǐ gbɔn é sixú zɔ́n bɔ mǐ ná nɔ mɔ ɖɔ mǐ kún vó nǔtí ó. Alǒ, nú mǐ nɔ sɔ́ ayi ɖó nǔ e mǐ wa nyi do wá yi lɛ́ é jí ɔ, mǐ sixú xo nǔ kpɔ́n ɖɔ Jexóva ka yí wǎn nú mǐ dóó a jí. Nú nǔ nɔ cí mɔ̌ nú mǐ ɔ, étɛ́ ka sixú d’alɔ mǐ?

Nɔ flín ɖɔ Jexóva nɔ mɔ nǔ zɛ nǔ e gbɛtɔ́ lɛ́ nɔ mɔ é wú. (1Sa 16:7) Énɛ́ xlɛ́ ɖɔ é tlɛ nɔ mɔ nǔ zɛ nǔ e mǐɖésúnɔ nɔ mɔ ɖo mǐɖée wú é wú. É víví nú mǐ ɖɔ Biblu d’alɔ mǐ bɔ mǐ tuun lěe Jexóva nɔ kpɔ́n mǐ gbɔn é. Biblu kpó tan ɖěɖěe ɖɔ xó dó lě do Jexóva yí wǎn nú mɛsɛntɔ́ tɔn lɛ́ sɔ é wú é kpó xixa sixú d’alɔ mǐ bɔ mǐ ná mɔ nǔ jɛ énɛ́ mɛ.

XO VIDEO NǍ GǍNJƐWÚ AYI TOWE ÐO JEXÓVA NUKƆN Ɔ, ÉNƐ́ GÚDO HǓN, NǍ XÓSIN NÚ NǓKANBYƆ́ ÉLƆ́ LƐ́:

• Étɛ́ nǔjlɛ́dónǔwú wezunkántɔ́ ɔ kpó tɔ́ tɔn kpó tɔn ka kplɔ́n mǐ dó lěe Jexóva nɔ kpɔ́n mǐ gbɔn é wú?

  Your answer

• Nú mɛɖé hu hwɛ syɛ́nsyɛ́n bo ka ɖe afɔ e jɛ xá lɛ́ é bá dó vɔ́ kancícá e é ɖó xá Jexóva é bló ɖó ɔ, nɛ̌ é ka sixú ná gǎnjɛwú ayi tɔn ɖo Jexóva nukɔn gbɔn?—1Jn 3:19, 20

  Your answer

• Nɛ̌ tan e ɖɔ xó dó Davídi kpó Jozafáti kpó wú lɛ́ é xixa, kpó tamɛ linlin dó yě jí kpó ka d’alɔ nɔví súnnu ɔ gbɔn?

  Your answer