20-26 mai
ÐƐHAN 40-41
Han 102 kpó ɖɛ kpó | Kplé ɔ sín nu sísɔ́ ɖó te (Cɛ́jú 1)
1. Étɛ́wú è ka ná nɔ d’alɔ mɛ ɖěvo lɛ́?
(Cɛ́jú 10)
Alɔ dídó mɛ ɖěvo lɛ́ nɔ ná mǐ awǎjijɛ (Ðɛ 41:2; w18.08 22 akpá. 16-18)
Jexóva nɔ d’alɔ mɛ ɖěɖěe nɔ d’alɔ mɛ ɖěvo lɛ́ é (Ðɛ 41:3-5; w15 15/12 24 akpá. 7)
Nú mǐ d’alɔ mɛ ɖěvo lɛ́ ɔ, mǐ nɔ kpa susu nú Jexóva (Ðɛ 41:14; Nǔx 14:31; w17.09 12 akpá. 17)
KANBYƆ́ HWIÐÉE ÐƆ: ‘Mɛɖé ka ɖo agun ce mɛ bo ɖó hudó alɔdó tɔn bá dó ɖu vǐví JW Library zínzán tɔn a’?
2. Nǔ xɔ akwɛ́ Biblu tɔn lɛ́ biba
(Cɛ́jú 10)
Ðɛ 40:6-11: Étɛ́ ɖɛ Davídi tɔn ka kplɔ́n mǐ dó tɛn Nǔbǐwúkpétɔ́ tɔn e mɛ Jexóva ɖe é tuuntuun, kpó gbe yíyí ná kpó wú? (it-1 1261)
Nǔ xɔ akwɛ́ tɛ́ lɛ́ a ka mɔ ɖo Biblu xixa aklúnɔzángbla élɔ́ tɔn mɛ?
3. Biblu xixa
(Cɛ́jú 4) Ðɛ 40:2-18 (th nǔkpɔ́nnúmɛ 12)
4. Xóɖɔɖókpɔ́ ɖé bíbɛ́
(Cɛ́jú 3) MAWUXÓÐIÐƆ HWENU E È MA ÐO KÚNNUÐEGBÉ Ǎ É. Bɛ̌ xóɖɔɖókpɔ́ xá mɛ e é cí ɖɔ é ɖ’awǎjijɛ é ɖé. (lmd nǔkplɔ́nkplɔ́n 2 kɛ́n 3)
5. Xóɖɔɖókpɔ́ ɖé bíbɛ́
(Cɛ́jú 4) MAWUXÓÐIÐƆ HWENU E È MA ÐO KÚNNUÐEGBÉ Ǎ É. Bɛ̌ xóɖɔɖókpɔ́ xá mɛ e é cí ɖɔ é blá wǔ é ɖé. (lmd nǔkplɔ́nkplɔ́n 3 kɛ́n 5)
6. D’alɔ mɛ lɛ́ bónú yě ní húzú ahwanvú
(Cɛ́jú 5) lff nǔkplɔ́nkplɔ́n 14 xótala 6. Nǔkplɔ́ntɔ́ ɔ ɖo nǔ xó kpɔ́n dó xósin níná ɖo kplé lɛ́ jí wú wɛ. Ðɔ xó xá ɛ dó nǔ e ɖo xóta “Kpa Jexóva ɖo togun mɛ” glɔ́ ɖo akpáxwé “Kíjé” mɛ é ɖé jí. (th nǔkpɔ́nnúmɛ 19)
Han 138
7. Nɔ wa ɖagbe nú mɛxómɔ lɛ́
(Cɛ́jú 15) Xóɖɔɖókpɔ́.
Nǔ e nɔví mǐtɔn mɛxómɔ lɛ́ nɔ wa ɖo agun ɔ mɛ lɛ́ é nɔ xɔ akwɛ́ nú Jexóva bo nɔ lɛ́ xɔ nú mǐ lɔmɔ̌. (Eb 6:10) Ðo xwe lɛ́ vlamɛ ɔ, yě wa nǔ dó kplɔ́n nǔ nǔɖitɔ́ hǎtɔ́ yětɔn lɛ́, kplɔ́n azɔ̌ yě, bo lɛ́ dó wǔsyɛ́n lanmɛ nú yě. É ɖo wɛn ɖɔ a ná ko flín ɖɔ yě d’alɔ we. Nɛ̌ a ka sixú ɖe xlɛ́ mɛxómɔ lɛ́ ɖɔ nǔ ɖěɖěe yě wa bo kpo ɖo wiwa wɛ nú agun ɔ lɛ́ é nɔ su nukún towe mɛ gbɔn?
Xo VIDEO ‘Nɔ wa ɖagbe nú nɔví mǐtɔn lɛ́’ ɔ. Énɛ́ gúdo hǔn, kan nǔ élɔ́ lɛ́ byɔ́ kpléwátɔ́ lɛ́:
Étɛ́ nɔví Ho-jin Kang ka kplɔ́n nɔví Ji-Hoon?
Étɛ́ ka nɔ dɔn we ɖo nɔví mɛxómɔ e ɖo agun towe mɛ lɛ́ é gɔ́n?
Étɛ́ nǔjlɛ́dónǔwú Samalíinu nɔzo ɖagbe ɔ tɔn ka sixú kplɔ́n mǐ?
Étɛ́wú a ka lin ɖɔ ylɔ̌ e nɔví Ji-Hoon ylɔ́ mɛ ɖěvo lɛ́ bɔ yě nɔ kpɔ́ xá ɛ, hwenu e é ɖo alɔ dó nɔví Ho-jin Kang wɛ é nyɔ́?
Nú mǐ nɔ lin tamɛ dó hudó mɛxómɔ e ɖo agun mǐtɔn mɛ lɛ́ é tɔn jí ganjí ɔ, mǐ sixú mɔ ali e nu mǐ ná d’alɔ yě ɖe lɛ́ é gěgé. Nú a mɔ hudó ɖé hǔn, lin tamɛ dó nǔ e a sixú wa dó sú do tɔn é jí.—Ja 2:15, 16.
Ylɔ̌ kpléwátɔ́ lɛ́ ɖokpó nú é ní xa Galátinu lɛ́ 6:10. Énɛ́ gúdo hǔn, kan nǔ élɔ́ byɔ́:
Ali tɛ́ lɛ́ nu a ka sixú “nɔ wa ɖagbe” nú mɛxómɔ e ɖo agun towe mɛ lɛ́ é ɖe?
8. Biblu kplɔ́nkplɔ́n agun tɔn
(Cɛ́jú 30) bt wět. 10 akpá. 1-4, gbǎví e ɖo wěx. 79gɔ́ jí é
