• Ðɛ 44:20: Étɛ́ dó gesí wɛ xógbe “avǔn gbě tɔn lɛ́ tɛ́ntin” ɔ ka ɖe? (it-1 417)

  Xósin towe

• Nǔ xɔ akwɛ́ tɛ́ lɛ́ a ka mɔ ɖo Biblu xixa aklúnɔzángbla élɔ́ tɔn mɛ?

  Xósin towe

Mɛ wínnyáwínnyá lɛ́ è mi, mi ka ɖo nǔ e mi ná wa ɖo wěmaxɔmɛ linsinmɛ tɔn gúdo é sín tuto bló wɛ a? Mi sixú ko ɖo linlin wɛ bá wa azɔ̌ e ná zɔ́n bɔ mi ná sixú nyí gběxosín-alijítɔ́ é ɖé. Alǒ bóyá, mi sixú ko ɖo tamɛ lin dó nǔ ɖěvo e mi sixú kplɔ́n d’é jí b’ɛ ná d’alɔ mi bɔ mi ná ɖó nǔwúkpíkpé, alǒ kúnnuɖewéma e ná zɔ́n bɔ mi ná sixú mɔ azɔ̌ mɔ̌hun é ɖé jí wɛ. Hwenu e sɔ́ akpakpa mɛ é ɖé wɛ é nyí ɖo gbɛzán mitɔn mɛ! É ɖo mɔ̌ có, mi sixú wá dán ɖěwagbɛn alǒ mɔ ɖɔ è ɖo kɔ gbídí nú mi wɛ bónú mi ná wá gbeta e ná hɛn xomɛ hun mɛ ɖěvo lɛ́ é ɖé kɔn. Étɛ́ ka sixú d’alɔ mi bɔ mi ná wá gbeta e nǔnywɛ́ kpé lɛ́ é kɔn?

Ylɔ̌ kpléwátɔ́ lɛ́ ɖokpó nú é ní xa Matíe 6:32, 33. Énɛ́ gúdo hǔn, kan nǔ élɔ́ lɛ́ byɔ́:

• Étɛ́wú é ka nyɔ́ ɖɔ nǔ e gbé è ná nya ɖo gbigbɔ lixo lɛ́ é ní za wě nú mɛ ganjí cóbɔ è ná wá gbeta azɔ̌ kpó wěma kplɔ́nkplɔ́n kpó tɔn tají lɛ́ kɔn?

  Xósin towe

• Nɛ̌ mɛjitɔ́ lɛ́ ka sixú d’alɔ vǐ yětɔn lɛ́ bɔ yě ná zán Matíe 6:32, 33 gbɔn?—Ðɛ 78:4-7

  Xósin towe

Nɔ acéjí bo ma jó jlǒ ayijayǐ biba ɖo akwɛ́ linu alǒ nyǐ ɖiɖi tɔn dó nú é wa nǔ dó gbeta e kɔn a ná wá lɛ́ é wú ó. (1Jn 2:15, 17) Flín ɖɔ dɔkun jijɛ kpowun sixú zɔ́n bɔ wɛn Axɔ́súɖuto ɔ tɔn yíyí ná vɛ́ wǔ nú mɛɖé. (Lk 18:24-27) Ényí mɛɖé ɖo dɔkun jijɛ gbé nya wɛ ɔ, é ná vɛ́ wǔ n’i bɔ é ná ɖó nǔɖiɖi syɛ́nsyɛ́n bo lɛ́ sɔ́ ayi ɖó nǔ e nɔ hɛn xomɛ hun Jexóva lɛ́ é jí.—Mt 6:24; Mk 8:36.

Xo VIDEO Cɔ́ hwiɖée dó jiɖiɖe dó nǔ e ma ná nɔ ayǐ ǎ lɛ́ é wú!: Dɔkun ɔ. Énɛ́ gúdo hǔn, kan nǔ élɔ́ byɔ́ kpléwátɔ́ lɛ́:

•   Nɛ̌ Nǔnywɛ́xó 23:4, 5 ka sixú d’alɔ we bɔ a ná wá gbeta e nǔnywɛ́ kpé lɛ́ é kɔn gbɔn?

  Xósin towe