• Ðɛ 36:7: Étɛ́ ɖɔ wɛ ɖɛhanwlántɔ́ ɔ ka ɖe hwenu e é sɔ́ hwɛjijɔ Jexóva tɔn jlɛ́ dó “só e hú ga só lɛ́ bǐ é” wú é (it-2 341)

  Xósin towe

• Nǔ xɔ akwɛ́ tɛ́ lɛ́ a ka mɔ ɖo Biblu xixa aklúnɔzángbla élɔ́ tɔn mɛ?

  Xósin towe

Adǎn ɖo nɔví súnnu kpó nɔví nyɔ̌nu kpó mǐtɔn lɛ́ gbo wɛ gbɔn gbɛ ɔ bǐ mɛ, bɔ mɛvívɛ́ yětɔn lɛ́ ɖo kúkú jó yě dó wɛ ɖó adla j’ayǐ lɛ́ kpó nǔ mɔ̌hun e nɔ sín gbɛtɔ́ wú lɛ́ é kpó wútu. (Ðɛ 9:10, 11) É blá wǔ ɖɔ nǔgbó ɔ wɛ nyí ɖɔ “adǎngbomɛ hwenu” lɛ́ sixú wá ba jǒnɔ mɛ hweɖébǔnu, énɛ́ wú ɔ, é byɔ́ ɖɔ mǐ mɛ bǐ ní sɔ́ nǔ ɖ’ayǐ nú mɛtɛ́nkpɔ́n mɔ̌hun lɛ́.

Gɔ́ nú nǔsísɔ́ ɖ’ayǐ nú mǐɖée ɖo agbaza lixo ɔ a, nǔ ɖěvo tɛ́ lɛ́ ka sixú d’alɔ mǐ bɔ mǐ ná dɛ hwenu e adla ɖé ná j’ayǐ é?

• Sɔ́ nǔ ɖ’ayǐ ɖo taglomɛ linu: Yǐ gbe ɖɔ adla lɛ́ nɔ j’ayǐ, bo lin tamɛ dó nǔ e a sixú wa hwenu e adla ná j’ayǐ é jí. Ma nɔ tɛ́ dó nǔɖókan lɛ́ wú zɛ xwé wú ó. Énɛ́ ná d’alɔ we bɔ a ná yá wǔ wa nǔ kpó nǔnywɛ́ kpó, bo ná sɔ́ ayi ɖó gbɛ hwiɖésúnɔ tɔn kpó mɛ ɖěvo lɛ́ tɔn kpó hwínhwlɛ́n jí, bɔ é ná nyí nǔɖókan towe lɛ́ hwínhwlɛ́n jí ǎ. (Bǐ 19:16; Ðɛ 36:10) Gɔ́ ná ɔ, ényí a ma nɔ tɛ́ dó nǔɖókan towe lɛ́ wú dín ǎ ɔ, é ná zɔ́n bɔ nú adla j’ayǐ wá hɛn yě gblé ɔ, xwi ɖíɖí xá ná bɔ wǔ nú we hú gǎn.—Ðɛ 37:19

• Sɔ́ nǔ ɖ’ayǐ ɖo gbigbɔ lixo: Kplɔ́n bo nɔ ɖeji dó nǔwúkpíkpé kpó jlǒ kpó e Jexóva ɖó bá kpé nukún dó wǔ towe é wú. (Ðɛ 37:18) Cóbónú adla ɖé ná j’ayǐ ɔ, nɔ flín hwiɖée hwɛhwɛ ɖɔ Jexóva ná xlɛ́ ali mɛsɛntɔ́ tɔn lɛ́ bo lɛ́ nɔ gǔdo nú yě, ényí é ná bo tlɛ nyí ɖɔ “gbɛ” mǐtɔn jɛ́n nyí nǔ e ná kpo é ɔ nɛ́.—Jel 45:5; Ðɛ 37:23, 24

Nú mǐ kú d’é jí ɖɔ Jexóva ná ɖe akpá e é dó lɛ́ é ɔ, mǐ nɔ sɔ́ ɛ dó ‘ɖó bibɛtɛn mǐtɔn ɖo adǎngbomɛzángbe.’—Ðɛ 37:39.

Xo VIDEO A ka ko sɔ́ nǔ ɖ’ayǐ nú awěxomɛ lɛ́ a? ɔ. Énɛ́ gúdo hǔn, kan nǔ élɔ́ lɛ́ byɔ́ kpléwátɔ́ lɛ́:

• Nɛ̌ Jexóva ka sixú d’alɔ mǐ ɖo awěxomɛ hwenu gbɔn?

  Xósin towe

• Nǔ tawun tawun tɛ́ lɛ́ mǐ ka sixú wa dó sɔ́ nǔ ɖ’ayǐ?

  Xósin towe

• Nɛ̌ mǐ ka sixú d’alɔ mɛ ɖěɖěe wú adla j’ayǐ wa nǔ dó lɛ́ é gbɔn?

  Xósin towe