1er-7 avril
ÐƐHAN 23-25
Han 4 kpó ɖɛ kpó | Kplé ɔ sín nu sísɔ́ ɖó te (Cɛ́jú 1)
1. “[Jexóva] wɛ nyí lɛ̌ngbɔ́nyitɔ́ ce”
(Cɛ́jú 10)
Jexóva nɔ xlɛ́ ali mǐ (Ðɛ 23:1-3; w11 1/5 31 akpá. 3)
Jexóva nɔ cyɔ́n alɔ mǐ jí (Ðɛ 23:4; w11 1/5 31 akpá. 4)
Jexóva nɔ ná nǔɖuɖu mǐ (Ðɛ 23:5; w11 1/5 31 akpá. 5)
Jexóva nɔ tɔ́jú mɛsɛntɔ́ tɔn lɛ́ lěe lɛ̌ngbɔ́nyitɔ́ wǎnyíyínɔ ɖé nɔ bló gbɔn nú lɛ̌ngbɔ́ tɔn lɛ́ é ɖɔhun.
KANBYƆ́ HWIÐÉE ÐƆ: ‘Nɛ̌ Jexóva ka ko tɔ́jú nyiɖésúnɔ mɛtún ɔ gbɔn?’
2. Nǔ xɔ akwɛ́ Biblu tɔn lɛ́ biba
(Cɛ́jú 10)
Ðɛ 23:3: Étɛ́ ka nyí “ali ɖagbe” alǒ ali nǔjlɔ́jlɔ́wiwa tɔn ɔ? Nɛ̌ mǐ ma ka ná gosín jí ǎ gbɔn? (w11 15/2 24 akpá. 1-3)
Nǔ xɔ akwɛ́ tɛ́ lɛ́ a ka mɔ ɖo Biblu xixa aklúnɔzángbla élɔ́ tɔn mɛ?
3. Biblu xixa
(Cɛ́jú 4) Ðɛ 23:1–24:10 (th nǔkpɔ́nnúmɛ 5)
4. Xóɖɔɖókpɔ́ ɖé bíbɛ́
(Cɛ́jú 3) MAWUXÓÐIÐƆ HWENU E È MA ÐO KÚNNUÐEGBÉ Ǎ É. Zǎn wěmafɔ ɖé dó dó wǔsyɛ́n lanmɛ nú mɛ e ɖɔ nú we ɖɔ ado ɖo émí hu wɛ ɖó gbɛtɔ́ lɛ́ ɖo ayǐkúngban ɔ hɛn gblé wɛ wú é ɖé. (lmd nǔkplɔ́nkplɔ́n 2 kɛ́n 5)
5. D’afɔ nú jlǒ e mɛ ɔ ɖó é
(Cɛ́jú 4) SÍN XWÉ ÐÉ GBE JƐ XWÉ ÐÉ GBE. Xlɛ́ lěe Biblu kplɔ́nkplɔ́n ɖé nɔ yi gbɔn é mɛ e yí alɔnuwéma Ðu gbɛ víví káká sɔ́yi! é ɖé. (lmd nǔkplɔ́nkplɔ́n 9 kɛ́n 3)
6. D’alɔ mɛ lɛ́ bónú mɛ lɛ́ ní húzú ahwanvú
Han 54
7. Mǐ nɔ ɖótó jǒnɔ lɛ́ sín gbe ǎ
(Cɛ́jú 15) Xóɖɔɖókpɔ́.
Lɛ̌ngbɔ́ lɛ́ nɔ tuun lɛ̌ngbɔ́nyitɔ́ yětɔn sín gbe bo nɔ xwedó è. Amɔ̌, yě nɔ ɖótó jǒnɔ e sín gbe yě ma tuun ǎ é ǎ, bo nɔ hɔn n’i. (Jn 10:5) Mɔ̌ ɖokpó ɔ, ɖo gbigbɔ lixo ɔ, mǐ nɔ ɖótó Jexóva kpó Jezu kpó, lɛ̌ngbɔ́nyitɔ́ wǎnyíyínɔ ɖejidéwú mǐtɔn lɛ́ sín gbe. (Ðɛ 23:1; Jn 10:11) Amɔ̌, mǐ nɔ gbɛ́ ɖɔ mǐ kún ná ɖótó jǒnɔ e nɔ tɛ́n kpɔ́n bo ná zán “mɛblɛ́blɛ́xó lɛ́” dó vɔ́ da nú nǔɖiɖi mǐtɔn lɛ́ é sín gbe ó.—2Pi 2:1, 3.
Bǐbɛ́mɛ wěmata atɔn tínmɛ azɔn nukɔntɔn e è se jǒnɔ ɖé sín gbe ɖo ayǐkúngban jí é. Satáan ɖɔ mɛ e é nyí nǔgbó nǔgbó é nú Ɛvu ǎ, bɔ mɔ̌ mɛ ɔ, é flú i. É wa nǔ cí nǔ ɖɔ xɔ́ntɔn tɔn wɛ é nyí ɖɔhun, bo ɖó adingban dó xó e Jexóva ɖɔ lɛ́ é kpó linlin tɔn lɛ́ kpó wú. É blá wǔ ɖɔ Ɛvu ɖótó è, bɔ énɛ́ dɔn é kpó xwédo tɔn kpó bǐ dó wǔvɛ́ ɖaxó mɛ.
Égbé ɔ, Satáan nɔ tɛ́n kpɔ́n bá bló bónú mǐ ná xo nǔ kpɔ́n dó Jexóva kpó tutoblónúnǔ tɔn kpó wú gbɔn adingbanxó lɛ́ fúnfúnfúnfún kpé, nǔgbó adaɖé lɛ́ kpó mɛblɛ́blɛ́xó lɛ́ kpó zínzán gblamɛ. Nú mǐ se jǒnɔ ɖé sin gbe ɔ, mǐ ɖó ná hɔn! Awǒvinú wɛ é nyí ɖɔ è ní tlɛ ɖótó nú hwenu kléwún ɖé. Xókwín nabí wɛ é ka byɔ́ ɖɔ Satáan ní zán cóbó flú Ɛvu ɖo xóɖɔɖókpɔ́ kléwún yětɔn hwenu? (Bǐ 3:1, 4, 5) Nú é ka nyí mɛ e mǐ tuun, b’ɛ yí wǎn nú mǐ, bo nɔ ɖó linlin ɖagbe lɛ́ é ɖé wɛ ka wá ja xó nyanya lɛ́ ɖɔ dó tutoblónúnǔ Jexóva tɔn wú gbé nú mǐ ɔ ka lo?
Xo VIDEO Hɔn nú “jǒnɔ lɛ́ sín gbe” ɔ. Énɛ́ gúdo hǔn, kan nǔ élɔ́ byɔ́ kpléwátɔ́ lɛ́:
Étɛ́ lěe Jaké ɖe ɖɛ ninɔmɛ ɔ gbɔn hwenu e nɔ tɔn e ma nyí nǔɖitɔ́ ǎ é ja xó masɔgbe lɛ́ ɖɔ dó tutoblónúnǔ Jexóva tɔn wú gbé n’i é ka kplɔ́n we?
8. Biblu kplɔ́nkplɔ́n agun tɔn
(Cɛ́jú 30) bt wět. 8 akpá. 1-4, gbǎví e ɖo wěx. 61-62 jí lɛ́ é
