29 avril–5 mai
ÐƐHAN 34-35
Han 10 kpó ɖɛ kpó | Kplé ɔ sín nu sísɔ́ ɖó te (Cɛ́jú 1)
1. “Nɔ dó kú nú [Jexóva] hwebǐnu”
(Cɛ́jú 10)
Hwenu e Davídi tlɛ ɖo wǔvɛ́ lɛ́ mɔ wɛ é ɔ, é dó kú nú Jexóva (Ðɛ 34:2; w07 1/3 22 akpá. 11)
Davídi gó ɖo Jexóva mɛ, é nyí ɖo éɖésúnɔ mɛ ǎ (Ðɛ 34:3-5; w07 1/3 22 akpá. 13)
Kú e Davídi dó nú Jexóva é dó wǔsyɛ́n lanmɛ nú gbɛ̌ tɔn lɛ́ (Ðɛ 34:6; w07 1/3 23 akpá. 15)
È hwlɛ́n Davídi ɖo Abimɛlɛ́ki sí gúdo é ɔ, súnnu e sín xomɛ ma hun dó Sawúlu wú ǎ lɛ́ é 400 xo kpóɖó nú Davídi ɖo gbětótló ɔ mɛ. (1Sa 22:1, 2) É sixú ko nyí mɛ énɛ́ lɛ́ wɛ ɖo ayi Davídi tɔn mɛ hwenu e é wlán ɖɛhan élɔ́ é.—Ðɛ 34.
KANBYƆ́ HWIÐÉE ÐƆ: ‘Nɛ̌ un ka sixú kpa susu nú Jexóva hwenu e un ná ɖo xó ɖɔ xá mɛɖé wɛ ɖo kplé agun tɔn e ja é jí gbɔn?’
2. Nǔ xɔ akwɛ́ Biblu tɔn lɛ́ biba
(Cɛ́jú 10)
-
Ðɛ 35:19: Étɛ́ ɖɔ wɛ Davídi ka ɖe hwenu e é byɔ́ ɖɔ Mawu ní ma lɔn nú mɛ e gbɛ́ wǎn nú émí lɛ́ é ‘ko émí’ ó é? (w06 15/5 20 akpá. 2)
-
Nǔ xɔ akwɛ́ tɛ́ lɛ́ a ka mɔ ɖo Biblu xixa aklúnɔzángbla élɔ́ tɔn mɛ?
3. Biblu xixa
(Cɛ́jú 4) Ðɛ 34:2-23 (th nǔkplɔ́nkplɔ́n 5)
4. Xóɖɔɖókpɔ́ ɖé bíbɛ́
(Cɛ́jú 2) MAWUXÓÐIÐƆ HWENU E È MA ÐO KÚNNUÐEGBÉ Ǎ É. A kpé wú bo ɖe kúnnu cóbónú xóɖɔɖókpɔ́ ɔ fó ǎ. (lmd nǔkplɔ́nkplɔ́n 1 kɛ́n 4)
5. D’afɔ nú jlǒ e mɛ ɔ ɖó é
(Cɛ́jú 4) MAWUXÓÐIÐƆ HWENU E È MA ÐO KÚNNUÐEGBÉ Ǎ É. (lmd nǔkplɔ́nkplɔ́n 2 kɛ́n 4)
6. Tínmɛ nǔ e a ɖi nǔ ná lɛ́ é
(Cɛ́jú 5) Wǎzéxlɛ́. ijwfq 59. Xóta: Nɛ̌ Kúnnuɖetɔ́ Jexóva tɔn lɛ́ nɔ wa gbɔn bo nɔ tuun xwe ɖěɖěe Mawu yí gbe ná lɛ́ é? (th nǔkpɔ́nnúmɛ 17)
Han 59
7. Ali e nu mǐ nɔ kpa susu nú Jexóva ɖo kplé lɛ́ jí ɖe é atɔn
(Cɛ́jú 15) Xóɖɔɖókpɔ́.
Kplé agun tɔn lɛ́ nɔ hun ali ɖagbe lɛ́ nú mǐ bónú mǐ ná kpa susu nú Jexóva. Ali énɛ́ lɛ́ atɔn ɖíe:
Xóɖɔɖókpɔ́ lɛ́: Nú a ɖo xó ɖɔ xá mɛ ɖěvo lɛ́ wɛ hǔn, nɔ ɖɔ xó dó ɖagbewiwa Jexóva tɔn wú. (Ðɛ 145:1, 7) A ka xa nǔ tají ɖé alǒ se xó d’é wú b’ɛ hɛn le wá nú we wɛ a? A mɔ nǔ ɖagbe ɖé ɖo sinsɛnzɔ́ ɔ mɛ wɛ a? Xó e mɛɖé ɖɔ é alǒ nǔ e é wa é ka dó wǔsyɛ́n lanmɛ nú we wɛ a? A ka mɔ nǔɖíɖó ɖé lɛ́ bɔ yě jí wǔ nú we wɛ a? Nǔ énɛ́ lɛ́ bǐ wɛ nyí nǔníná bo gosín Jexóva gɔ́n. (Ja 1:17) Nɔ wá cɛ́jú kléwún ɖé jɛ nukɔn, mɔ̌ mɛ ɔ, a ná mɔ hwenu bo ɖɔ xó dó yě wú xá mɛ ɖěvo lɛ́.
Xósin lɛ́: É hwe bǐ hǔn, nɔ tɛ́n kpɔ́n bo nɔ ná xósin ɖokpó ɖo kplé ɖokpó ɖokpó hwenu. (Ðɛ 26:12) A sixú ná xósin e ɖo tlɔlɔ nú nǔkanbyɔ́ ɔ é alǒ ɖɔ xó dó nǔkplɔ́nmɛ wegɔ́ e ɖo akpáxwé ɔ mɛ é, wěmafɔ ɖé, ɖiɖe ɖé, alǒ lěe è sixú zán gbɔn é jí. Ðó mɛ ɖěvo lɛ́ ná ɖibla sɔ́ alɔ dó jǐ hwenu e hwi lɔ ná zé é wútu ɔ, sɔ́ nǔ nú xósin gěgé. Nú xósin mǐtɔn lɛ́ nɔ nɔ segɔ́ndu 30 alǒ hwe hú mɔ̌ mɛ ɔ, mǐ ná “kpa susu nú Mawu dó sá vɔ̌ n’i.”—Eb 13:15.
Han lɛ́: Nɔ ji Axɔ́súɖuto ɔ sín han lɛ́ kpó akpakpa sɔ́ mɛ kpó. (Ðɛ 147:1) È sixú nɔ ma ylɔ́ we nú a ná ná xósin ɖo kplé lɛ́ ɖokpó ɖokpó jí, ɖo tají ɔ, ɖo agun e mɛ gbɛtɔ́ sukpɔ́ ɖe lɛ́ é, amɔ̌, a hɛn ɔ a ná nɔ gɔ́ nú kpléwátɔ́ lɛ́ bo ná nɔ ji han hwebǐnu. A ná bo tlɛ nɔ lin ɖɔ émí kún nyí hanjitɔ́ ɖagbe ɖé ó hǔn, nɔ wa nǔ e wú a kpé é bǐ; énɛ́ nɔ víví nú Jexóva kpɔ́n! (2Kɔ 8:12) A sixú nɔ sɔ́ nǔ ɖ’ayǐ gbɔn han lɛ́ jiji ɖo xwégbe gblamɛ.
Xo VIDEO Hwenuxó mǐtɔn ɖíe: Nǔníná han tɔn, akpáxwé 1tɔn ɔ. Énɛ́ gúdo hǔn, kan nǔ élɔ́ byɔ́ kpléwátɔ́:
Ðo bǐbɛ́mɛ tutoblónúnǔ mǐtɔn égbé tɔn tɔn ɔ, nɛ̌ mǐ ka xlɛ́ ɖɔ hanjiji dó kpa susu nú Jexóva ɖo tají gbɔn?
8. Biblu kplɔ́nkplɔ́n agun tɔn
(Cɛ́jú 30) bt wět. 9 akpá. 1-7, mǐmámɛ 3gɔ́ sín xónusɔ́ɖóte, kpó gbǎví e ɖo wěx. 70 jí é kpó
