• Nǔx 11:17: Nɛ̌ xomɛnyínyɔ́ ka nɔ hɛn le wá nú mǐ gbɔn? (w18.11 30 akpá. 4-6)

  Xósin towe

• Nǔ xɔ akwɛ́ tɛ́ lɛ́ a ka mɔ ɖo Biblu xixa aklúnɔzángbla élɔ́ tɔn mɛ?

  Xósin towe

Ðó mǐ nyí hwɛhutɔ́ wútu ɔ, mǐ ná nɔ ɖɔ xó nyi do. (Ja 3:8) É ɖo mɔ̌ có, ényí mǐ nɔ lin tamɛ dó nǔ e xó e mǐ ɖɔ nyi do lɛ́ é sixú ji lɛ́ é jí ɔ, mǐ ná nɔ nyi alɔ nú nǔ e ná wá vɛ́ nú mǐ ɖo nukɔnmɛ lɛ́ é ɖiɖɔ. Xó ɖé lɛ́ ɖíe bo sixú dó avaja fífá e ɖo agun ɔ mɛ é mɛ:

• Ajɔ̌ jlájlá nú mɛɖée e ma sɔgbe ǎ é. Mɛ e nɔ ɖɔ xó énɛ́ lɛ́ é nɔ sɔ́ éɖée su, bo nɔ dɔn agbahwlɛ́nhwlɛ́n kpó mɛnújlójló kpó wá.—Nǔx 27:2

• Nǔgbómaɖɔ. Xó énɛ́ lɛ́ nɔ nyí adingbanxó lɛ́ kpowun ǎ, loɔ, yě nɔ lɛ́ nyí xó e è tuun bo ɖɔ bo ná dó flú mɛ lɛ́ é. Ényí mǐ ná bo tlɛ ɖó adingban kpɛví ɖé ɔ, énɛ́ sixú zɔ́n bɔ è sɔ́ ná nɔ ɖeji dó mǐ wú ǎ, alǒ zɔ́n bɔ nyǐkɔ e ɖo ta nú mǐ é ná gblé.—Nǔt 10:1

• Mɛnúɖiɖɔ e ma nyɔ́ ǎ é. Xó énɛ́ lɛ́ nɔ nyi ta fí ɖě ǎ, bɔ mɛ e nɔ ɖɔ lɛ́ é nɔ sló kɔ nú nǔ lɛ́, alǒ ɖe kpáxó lɛ́ gba. (1Ti 5:13) Yě sixú dɔn tagba kpó kínklán kpó wá

• Xomɛsinxó lɛ́. Lěe nǔ cí nú mɛ é jí zínzɔ́n dó bo ɖɔ xó ma lin tamɛ kpɔ́n hwɛ̌ dó mɛ e dó xomɛsin nú mǐ é ɖé wú é wɛ nyí xó énɛ́ lɛ́. (Efɛ́ 4:26) Yě sixú wa nǔ dó mɛ wú.—Nǔx 29:22

Xo VIDEO Jǒ nǔ e nɔ d’avaja fífá mɛ lɛ́ é dó: Kpɛví ɔ ɔ. Énɛ́ gúdo hǔn, kan nǔ élɔ́ byɔ́ kpléwátɔ́ lɛ́:

• Étɛ́ a ka kplɔ́n dó lěe é bɔ wǔ bɔ xó mǐtɔn lɛ́ ná d’avaja fífá e ɖo agun ɔ mɛ é mɛ gbɔn é wú?

  Xósin towe

Ényí a ná mɔ lěe è bló bɔ fífá lɛ́ tíin gbɔn é hǔn, kpɔ́n video “Nɔ jɛ hun dó fífá jí bo nɔ ba” ɔ.