ZĚ HWIÐÉE BǏ JÓ NÚ MAWUXÓÐIÐƆZƆ́ Ɔ | BLǑ BONU AWǍJIJƐ TOWE NI JƐJI ÐÒ SINSƐNZƆ́ Ɔ MƐ
Kplɔ́n Biblu Kplɔntɔ́ Towe lɛ Bonu Ye Ni Nɔ Ðu Nǔɖuɖu Gbigbɔ Tɔn Yeɖesunɔ
Biblu kplɔntɔ́ mǐtɔn lɛ ɖó na kplɔ́n nǔ zɛ nǔgbo e mǐ nɔ kplɔ́n ye lɛ é wu bá dó sixu sú hudo yetɔn gbigbɔ tɔn lɛ sín dò, bo lɛ́ zin ɖò gbigbɔ lixo. (Mt 5:3; Eb 5:12–6:2) Ye ɖó na lɛ́ kplɔ́n lee ye na nɔ ɖu nǔɖuɖu gbigbɔ tɔn yeɖesunɔ gbɔn é.
Enyi a jɛ Biblu kplɔ́n xá ye jí tlolo hǔn, xlɛ́ lee ye na nɔ sɔnǔ nú Biblu kplɔnkplɔn yetɔn lɛ gbɔn é ye, bo lɛ́ dó wusyɛn lanmɛ nú ye ɖɔ ye ni nɔ wà mɔ̌. (mwb18.03 6) Dǒ wusyɛn lanmɛ nú ye ɖɔ ye ni nɔ xoɖɛ cobo nɔ jɛ nǔ kplɔ́n jí yeɖesunɔ. D’alɔ ye bonu ye ni nɔ mɔ azɔ̌wanú nǔkplɔnkplɔn tɔn e ɖò alokan lɔ jí lɛ é bo nɔ lɛ́ zán ye. Tinmɛ lee ye na mɔ nǔ yɔyɔ̌ e tɔ́n ɖò jw.org kpo Televiziɔn JW tɔn® kpo jí lɛ é gbɔn é nú ye. Kpɛɖé kpɛɖé ɔ, kplɔ́n ye bonu ye na nɔ xà Biblu gbè bǐ gbè, sɔnǔ nú kplé agun tɔn lɛ, bo na nɔ lɛ́ ba xósin nú nǔkanbyɔ yetɔn lɛ. Kplɔ́n ye bonu ye ni nɔ lin tamɛ dó nǔ e kplɔ́n wɛ ye ɖè lɛ é jí.
KPƆ́N VIDEO D’ALƆ BIBLU KPLƆNTƆ́ TOWE LƐ BONU YE NI NƆ ÐU NǓÐUÐU GBIGBƆ TƆN YEÐESUNƆ Ɔ, ENƐ GUDO HǓN, NǍ XÓSIN NÚ NǓKANBYƆ ELƆ LƐ:
-
Nɛ̌ Ana ka d’alɔ Jaké b’ɛ mɔ nǔ jɛ wu ɖɔ nǔkplɔnkplɔn nɔ byɔ nǔ hú xósin lɛ tuùntuùn kpowun gbɔn?
-
Etɛ ka d’alɔ Jaké b’ɛ kúdeji ɖɔ é sɔgbe ɖɔ Jehovah ni dó nǔbliblíwiwa sɛ́n?
-
Kplɔ́n nǔkplɔntɔ́ towe lɛ lee ye na nɔ kplɔ́n nǔ taji lɛ gbɔn é kpo lee ye na nɔ zán ye gbɔn é kpo
Etɛ mɛ Jaké ka wá mɔ nǔ jɛ dó tamɛ linlin wu?
