Ðɛ e nɔ nyɔ́ Jexóva nukúnmɛ lɛ́ é nɔ cí zǎlínkpɔ́n wǎnɖagbenɔ e è nɔ dó zo hwɛhwɛ ɖo tɛ́npli mɛ n’i lɛ́ é ɖɔhun. (Ðɛ 141:2) Ényí mǐ nɔ xlɛ́ Tɔ́ mǐtɔn jǐxwé tɔn ɔ ɖɔ mǐ yí wǎn n’i, ɖɔ nǔ e é nɔ wa nú mǐ lɛ́ é nɔ su nukún mǐtɔn mɛ, nɔ ɖɔ linkpɔ́n mǐtɔn lɛ́ kpó jlǒ mǐtɔn lɛ́ kpó n’i, bo nɔ lɛ́ jó è dó nú é xlɛ́ ali mǐ ɔ, mǐ nɔ ɖe xlɛ́ ɖɔ xɔ́ntɔn e mǐ zun xá ɛ é xɔ akwɛ́ nú mǐ. É ɖo wɛn ɖɔ, akpáxwé tají Mawu sinsɛn mǐtɔn tɔn ɖé wɛ ɖɛ e è nɔ xo agbawungba ɖo kplé mǐtɔn lɛ́ jí, bɔ yě nɔ ɖo kléwún lɛ́ é nɔ nyí nú Jexóva. É ɖo mɔ̌ có, ényí mǐ ɖo ɖɛ xo wɛ mǐɖésúnɔ, bo hun ayi mǐtɔn nú Jexóva lobo ɖɔ xó n’i nú hwenu gěgé ɔ, énɛ́ nɔ víví n’i kpɔ́n!—Nǔx 15:8.

KPƆ́N VIDEO UN ÐÓ KAN DÓ ÐƐXIXO WÚ Ɔ, ÉNƐ́ GÚDO HǓN, NǍ XÓSIN NÚ NǓKANBYƆ́ ÉLƆ́ LƐ́:

• Wǔjɔmɛ tɛ́ lɛ́ sín vǐví nɔví súnnu Johnson ka ɖu?

• Nɛ̌ nɔví súnnu Johnson ka gán jɛ Jexóva wú bo nɔ xo ɖɛ gbɔn?

• Étɛ́ lɛ́ kpɔ́ndéwú nɔví súnnu Johnson tɔn ka sixú kplɔ́n we?