Hweɖélɛ́nu ɔ, é sixú cí nú mǐ ɖɔ nǔ e mǐ jɛ tagba bo wa dó mɛ ɖěvo lɛ́ takúnmɛ é kún su nukún yětɔn mɛ ó, bɔ yě lɛ́ yá wǔ wɔn nǔ e mǐ wa é. Amɔ̌, nɛ̌ Jexóva ka nɔ wa nǔ gbɔn? Mawu mǐtɔn e nǔ nɔ su nukúnmɛ ná é nɔ wɔn gǎn e mǐ nɔ dó dó sɛn ɛ lɛ́ é gbeɖé ǎ. Ényí lanmɛ ma ɖo ganjí ná bo tlɛ ɖó dogbó nú nǔ e mǐ sixú wa é ɔ, é ná jó mǐ dó ǎ.—Eb 6:10.

KPƆ́N VIDEO JEXÓVA NƆ FLÍN Ɔ, ÉNƐ́ GÚDO HǓN, NǍ XÓSIN NÚ NǓKANBYƆ́ ÉLƆ́ LƐ́:

• Nɛ̌ nɔví súnnu Hibshman ka w’azɔ̌ syɛ́nsyɛ́n nú Jexóva ɖo akpáxwé sinsɛnzɔ́ ɔ tɔn vovo lɛ́ mɛ gbɔn?

• Nɔví súnnu Hibshman sín asi kú, bɔ mɛxóxwe lɛ́ ɖó dogbó nú nǔ e é sixú wa é có, nɛ̌ Jexóva ka kpo ɖo flínflín i wɛ gbɔn?

• Étɛ́wú mǐ ka sixú ɖɔ ɖɔ nɔví súnnu Hibshman ɖó gbɛzán awǎjijɛnɔ ɖé ɖó gbɛ tɔn e é zán dó wa sinsɛnzɔ́ bǔnɔ nú Jexóva é wútu?—Nǔx 10:22