DƆKUN MAWUXÓ Ɔ TƆN ÐÉ LƐ | ÐƐHAN 119
“Xwedó Mawu Mavɔmavɔ Sɛ́n Ɔ”
Sɛ́n Jehovah tɔn xwixwedó sín tinmɛ wɛ nyí ɖɔ mǐ ni sɔ́ jlǒ dó hwíhwɛ́ mǐɖée dó alixlɛ́mɛ tɔn glɔ. Kpɔ́ndéwú ɖagbe mɛ ɖěɖee xwedó sɛ́n Jehovah tɔn bo ɖeji dó wutu tɔn ɖɛhan wlantɔ́ ɔ ɖɔhun lɛ é tɔn gègě wɛ ɖò Biblu mɛ.
Mǐ nɔ mɔ awǎjijɛ nugbǒ ɔ hwenu e mǐ xwedó sɛ́n Mawu tɔn é
119:1-8
Jozuwée ɖeji dó alixlɛ́mɛ Jehovah tɔn wu bǐ mlɛ́mlɛ́. É tuùn ɖɔ enyi emi na ɖó awǎjijɛ bo mɔ gbɛ̀ emitɔn sín nu ɔ, emi ɖó na ɖeji dó Jehovah wu kpo ayi emitɔn bǐ kpo.
Xó Mawu Tɔn nɔ na mǐ akɔnkpinkpan e sín hudo mǐ ɖó bo na dɛ ɖò gbɛmɛ tagba lɛ nu é
119:33-40
Jelemíi ɖó akɔnkpinkpan bo ɖeji dó Jehovah wu ɖò ninɔmɛ syɛnsyɛn lɛ mɛ. É hɛn gbɛzán tɔn bɔkun bo lɛ́ ɖókan dó azɔ̌ e è ɖè n’i é wu
Nukúnnúmɔjɛnǔmɛ e sɔgbe é ɖiɖó dó Xó Mawu Tɔn wu nɔ na mǐ jiɖe bɔ mǐ nɔ ɖɔ Mawuxó
119:41-48
Wɛn Mawu tɔn mímá xá mɛɖebǔ dó xɛsi Pɔlu ǎ. É ɖeji dó Jehovah sín alɔdo wu bǐ mlɛ́mlɛ́ hwenu e é ɖɔ Mawuxó nú Tokpɔngán Felisi kpo adɔgbigbo kpo é
Ninɔmɛ tɛ lɛ mɛ un ka sixu lɛ́ ɖó akɔnkpinkpan hugǎn ɖè hwenu e un ɖò wɛnɖagbe ɔ jla mɛ ɖevo lɛ wɛ é?
-
Wemaxɔmɛ
-
Azɔ̌mɛ
-
Xwégbe
-
Ðevo
