Lɔnyiji-fɔnkan yihundatɔ́ ɖé ɖó na kpò ɖò lanmɛ tɔn ba kpɔ́n wɛ ganji bo na dó kpò ɖò azɔ̌ tuùn wɛ. Mɔ̌ ɖokpo ɔ, mǐ ɖó na kpò ɖò gǎn dó wɛ bo lɛ́ bló bɔ nǔwukpíkpé nǔ ɖagbe tuùntuùn ɖò nǔ nyanya mɛ tɔn mǐtɔn lɛ na ɖò te kpɔ́n d’eji wɛ. (Eb 5:14) Hwɛhwɛ ɔ, mǐ nɔ ba na wà nǔ sɔgbe xá gbeta mɛ ɖevo lɛ tɔn kpowun, amɔ̌, mǐ ɖó na kplɔ́n nǔwukpíkpé nǔ linkpɔ́n tɔn mǐɖesunɔ tɔn bo na nɔ wá gbeta lɛ kɔn nú mǐɖée. Etɛwu? Ðó mǐ mɛ ɖokpo ɖokpo wɛ na ɖó nǔ e gbeta e kɔn mǐ wá lɛ é jí lɛ é sín gbè.—Hlɔ 14:12.

Mǐ ɖó na nɔ lin ɖɔ mǐ na nɔ wá gbeta ɖagbe lɛ kɔn ɖó mǐ ko bló baptɛm bɔ xwè ko sɛyi wutu kpowun ǎ. Bo na dó wá gbeta ɖagbe lɛ kɔn ɔ, mǐ ɖó na ɖeji ɖó Jehovah, Xó tɔn, kpo tutoblonunu tɔn kpo wu bǐ mlɛ́mlɛ́.—Jo 1:7, 8; Nǔx 3:5, 6; Mt 24:45.

KPƆ́N VIDEO “MI ÐÓ AYIXA MÍMƐ́” Ɔ, ENƐ GUDO HǓN, NǍ XÓSIN NÚ NǓKANBYƆ ELƆ LƐ:

• Gbeta tɛ kɔn Emma ka ɖó na wá?

• Nú nǔ e kúnkplá ayixa xó lɛ é ɔ, etɛwu mǐ ka ɖó na nɔ nyi alɔ nú linlin mǐɖesunɔ tɔn lɛ ɖiɖɔ?

• Wě e nǔnywɛ kpé é tɛ asú kpo asì kpo ɖé ka ɖè xá Emma?

• Fitɛ Emma ka mɔ nǔ ɖěɖee na d’alɔ ɛ ɖò ninɔmɛ tɔn mɛ é ɖè?